![]() | |
Muallif(lar) |
Olim Usmonov (J) Dilmurod Quronov (A) Ulugʻbek Dolimov (D) Hamidulla Boltaboyev (I) Bahodir Karimov (D) Oltinbek Olim (L) Sotimjon Xolboyev (A) Zaynobidin Abdirashidov (R) |
---|---|
Muharrir(lar) | Bahodir Karimov |
Bezovchi(lar) | Muhammadxon Yusupov |
Til | oʻzbekcha |
Nashriyot | Yoshlar nashriyot uyi |
Oʻzbek tilida nashr etilgan sanasi | 2022-yili |
Sahifalar soni |
156 (J) 160 (A) 180 (D) 144 (I) 160 (D) 156 (L) 152 (A) 156 (R) |
ISBN |
978-9943-6682-6-3 (J) 978-9943-6682-4-9 (A) 978-9943-6682-3-3 (D) 978-9943-6682-5-6 (I) 978-9943-6682-7-0 (D) 978-9943-6682-1-8 (L) 978-9943-6682-8-7 (A) 978-9943-6682-2-5 (R) |
„Jadidlar“ — jadidlar haqidagi sakkiz jildli kitoblar toʻplami. Sakkiz nafar jadidlar hayoti va ijodiga bagʻishlangan risolalarni turli muallif yozgan: Olim Usmonov Gʻulom Zafariy, Dilmurod Quronov Abdulhamid Choʻlpon, Ulugʻbek Dolimov Isʼhoqxon Toʻra Ibrat, Hamidulla Boltaboyev Abdurauf Fitrat, Bahodir Karimov Abdulla Qodiriy, Oltinbek Olim Abdulla Avloniy, Sotimjon Xolboyev Munavvarqori qori Abdurashidxonov, Zaynobidin Abdirashidov Mahmudxoʻja Behbudiy haqidagi jildni yozgan.
Toʻplam 2022-yilda Yoshlar nashriyot uyida yumshoq muqovada, lotin yozuvida choʻntak kitobi sifatida nashr qilingan. Loyihaga Yoshlar ishlari agentligi direktori Alisher Saʼdullayev rahbarlik qilgan. „Jadidlar“ toʻplami qiziqqan shaxslar va tashkilotlarga bepul tarqatildi[1].
Toʻplam eʼlon qilinishi bilanoq ommalashdi[2]. Xususan, jadidlarga eʼtibor, risolalarning oʻziga xos dizayni hamda toʻplam dastlab bepul tarqatilgani ijtimoiy tarmoqlarda qizgʻin muhokama qilindi.
Toʻplamni nashrga tayyorlash uchun 1 416 800 000 soʻm mablagʻ sarflangan[3]. Har bir muallifga 10 million soʻmdan gonorar puli ajratilgan[4].
Har bir jild „Adib hayoti“, „Faoliyati va ijodi“, „Hikmatlari soʻzlari“, „Eʼtirof“ hamda „Foydalanilgan adabiyotlar“ boʻlimlariga boʻlingan.
Jild | Mavzu | Muallif | ISBN | Sahifalar |
---|---|---|---|---|
1. „J“ | Gʻulom Zafariy | Olim Usmonov | 978-9943-6682-6-3 | 156 |
2. „A“ | Abdulhamid Choʻlpon | Dilmurod Quronov | 978-9943-6682-4-9 | 160 |
3. „D“ | Isʼhoqxon Toʻra Ibrat | Ulugʻbek Dolimov | 978-9943-6682-3-3 | 180 |
4. „I“ | Abdurauf Fitrat | Hamidulla Boltaboyev | 978-9943-6682-5-6 | 144 |
5. „D“ | Abdulla Qodiriy | Bahodir Karimov | 978-9943-6682-7-0 | 160 |
6. „L“ | Abdulla Avloniy | Oltinbek Olim | 978-9943-6682-1-8 | 156 |
7. „A“ | Munavvarqori qori Abdurashidxonov | Sotimjon Xolboyev | 978-9943-6682-8-7 | 152 |
8. „R“ | Mahmudxoʻja Behbudiy | Zaynobiddin Abdirashidov | 978-9943-6682-2-5 | 156 |
„Jadidlar“ risolalar toʻplami Yoshlar ishlari agentligi direktori Alisher Saʼdullayev rahbarligi ostida hozirlangan. Ijodiy guruh aʼzolari Qandil Boboqulov va Mehrinoz Abbosovadan iborat boʻlgan. Shuningdek, asarni nashrga tayyorlashda quyidagi shaxslar ishtirok etgan: Bahodir Karimov — masʼul muharrir, Saidmurod Xolbekov — muharrir, Muhammadxon Yusupov — badiiy muharrir, Dilmurod Jalilov — texnik muharrir, Axtam Roʻzimurotov — sahifalovchi, Nigora Gaʼniyeva — musahhih. Kitob adadi — 23 000 nusxa.[5]