Geografik nomlar, toponimlar — Yer yuzasidagi geografik obyektlarning atoqli nomlari. Toponimlar orasida

• hududlar nomi — xoronimlar (Osiyo, Movarounnahr, Orolbo'yi),
• suv — gidronimlar (Orol dengizi, Amudaryo),
• relyef — oronimlar (Zarkosa tog'i, Kamchiq dovoni),
• aholi turar joylari — oykonimlar (Toshkent shahri, Samarqand shahri, Go'zalkent qishlog'i) va boshqa nomlar farq qilinadi.

Geografik nomlar vujudga kelgan vaqti, qaysi tilga mansubligi, mazmuni va tuzilishiga ko'ra bir-biridan farq qilgani holda juda barqarordir. Geografik nomlarda geografik sharoitlar, tarix, til, madaniyat, sivilizatsiya va boshqa omillar aks etgan bo'ladi. Geografik nomlarni toponimika tadqiq qiladi.^[1][2]

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.