Dehli — Hindistondagi ittifoqdosh hudud (1956-yil alohida maʼmuriy birlik sifatida ajratilgan). Mamlakatning shim. qismida, Jamna daryosi sohilida joylashgan. Mayd. 1483 km2. Aholisi (Dehli sh. aholisi bilan) 13,8 mln. kishi (2001). Markazi — Dehli sh. Hududni voliy (general-gubernator) boshqaradi. Qishloq xoʻjaligida donli ekinlar, dukkaklilar yetishtiriladi, shakarqamish, paxta qayta ishlanadi.