Ang lalawigan ng Quezon, kilala bilang Tayabas hanggang 1949, ay dating nahahati sa dalawang distritong pambatas mula 1907 hanggang 1972.
Sa bisa ng Kautusan Blg. 2280 noong 1920, ginawang lalawigan ang noo'y sub-province ng Marinduque. Hiniwalay ang Marinduque mula sa ikalawang distrito ng Tayabas upang bumuo ng sariling distrito na nagsimulang maghalal ng kinatawan noong eleksyon 1922. Dahil dito, ilang munisipalidad ng unang distrito ay inilipat sa ikalawang distrito.
Sa bisa ng Kautusang Tagapagpaganap Blg. 84 at 10 na inilabas ng Tagapangulo ng Philippine Executive Commission, Jorge Vargas noong 1942, ang munisipalidad ng Infanta (kasama ang kasalukuyang mga munisipalidad ng Heneral Nakar at Real) at isla ng Polillo ay pansamantalang inilipat sa nasasakupan ng Laguna hanggang 1945.
Bahagi ito ng kinakatawan ng Rehiyon IV-A sa Pansamantalang Batasang Pambansa, mula 1978 hanggang 1984. Naging ganap na lalawigan ang noo'y sub-province ng Aurora noong 1979. Dahil dito, hiniwalay ang Aurora mula sa unang distrito ng Quezon at nagpadala ng sariling kinatawan sa Regular Batasang Pambansa. Mula 1984 hanggang 1986, nagpadala ng apat na assemblymen at-large ang lalawigan sa Regular Batasang Pambansa.
Sa ilalim ng bagong Konstitusyon, muling hinati sa apat na distritong pambatas ang lalawigan noong 1987.
Kahit na administratibong malaya ang Lungsod ng Lucena mula sa lalawigan mula Hulyo 1, 1991, ipinangkat ang lungsod sa ikalawang distrito ng lalawigan para maghalal ng kinatawan. Napanatili rin ng mga mamamayan lungsod ang karapatang tumakbo at bumoto para sa mga panlalawigang posisyon sa bisa ng Seksiyon 452-c ng Kodigo ng Pamahalaang Lokal ng 1991.
↑Mataas na urbanisadong lungsod mula Hulyo 1, 1991. Administratibong malaya mula sa lalawigan, ngunit pinayagan na bumoto at tumakbo ang mga mamamayan sa panlalawigang pamahalaan ng Quezon sa pamamagitan ng Seksyon 452-c ng Kodigo ng Pamahalaang Lokal ng 1991.[1]
Lucena (Pang-administratibong malaya mula sa lalawigan ngunit ipinangkat ito ng Awtoridad ng Estadístika ng Pilipinas sa lalawigan ng Quezon. Subalit, pinapayagan pa ring magboto ang mga kuwalipikadong botante sa halalan para sa mga opisyal ng lalawigan bilang bahagi ng Ikalawang distrito ng Sangguniang Panlalawigan ng Quezon.)