Wapyn Prudnika to je jedyn z symbolōw miasta Prudnika na Gōrnym Ślōnsku we formie wapyna[1].
Wapyn Prudnika przedstawia czyrwōny mur z ôdewrzōnõ bramōm i dwiyma bocznymi wieżami ô szpiczastych strzybrnych dachach, miyndzy kerymi je złoty, ukorōnowany ôreł Piastōw Ślōnskich, kerzi włŏdali miastym do XVI stoleciŏ, z gowōm skerowanõ we (heraldycznie) prawõ zajtã. Powyżyj je we pozycyji frōntalnyj strzybrny szyszak (hełm heraldyczny) z labrami i krōlewskōm korōnōm za klejnot, a na nij powtōrzōny motyw murōw z dwōma wieżami, na postrzodku kerych wrażōny je złoty czeski lew stojōncy na zadnich nogach, z ôdewrzōnõ gymbōm, czyrwōnym jynzykym i dźwigniyntym ôgōnym. Ôsłōna wapyna je gotyckŏ, we błynkitnyj farbie[2].