H. Yana Mulyana S.E. | |
---|---|
Wakil Wali Kota Bandung ka-ke-6 | |
Incumbent | |
Awal jabatan 20 September 2018 | |
Présidén | Joko Widodo |
Gubernur | Ridwan Kamil |
Saméméhna | Oded Muhammad Danial |
Wali Kota | Oded Muhammad Danial |
Katerangan lian | |
Gumelar | 17 Pébruari 1965 Bandung, Jawa Barat |
Kabangsaan | Indonesia |
Partéy pulitik | Partai Gerakan Indonesia Raya |
Pameget/istri | Yunimar |
Murangkalih | 2 |
Alma mater | Universitas Islam Nusantara |
Pagawéan | Pengusaha, Bisnis, Politisi |
Ageman | Islam |
H.Yana Mulyana, S.E. (gumelar di Bandung, 17 Pébruari 1965; umur 59 taun) nyaéta politisi jeung pengusaha anu ayeuna ngajabat jadi Wakil Wali Kota Bandung période 2018-2023, ngaréncangan Wali Kota Bandung, Oded M. Danial[1]. Di samping éta, Yana Mulyana katelah ogé ku ngadirikeun radio Rase FM[2].
Yana Mulyana katelah janten salah sahiji pendiri salah sahiji radio di Kota Bandung nyaéta Rase FM. Sateuacanna, radio ieu didirikeun taun 1983 ku Dra. Titi Mutiarsih jeung Ietje Farida Soepardjo, mung perijinan kanggo pendirian Rase FM kahambat nepi taun 1987[3]. Di taun 1987, Yana Mulyana ngalanjutkeun usaha kanggo meunangkeun ijin radio. Di tanggal 1 Oktober 1988, ahirna Rase FM mulai ngalakukeun siaran percobaan.
Salain ti ngadirikeun Rase FM, Yana Mulyana ngembangkeun diri dina bidang properti, nepi janten Ketua DPD REI (Real Estate Indonesia) di taun 2011-2014. Manéhna ogé kungsi aktif di sababaraha organisasi, saperti janten Bendahara KNPI Jawa Barat (1991-1997), Wakil Pupuhu HIPMI (Himpunan Pengusaha Muda Indonésia) di taun 200-2006, jeung Sékrétaris Déwan Pertimbangan Kadin Jabar di taun 2009-2013[2].
Di samping éta, Yana Mulyana ogé pernah aktif di bidang kaolahragaan. Anjeunna sempet jadi Pupuhu Taekwondo Jabar (2009-2013) jeung pupuhu PSSI Kota Bandung (2014-2018)[2]
Di awal taun 2017, Yana Mulyana ngawalan karir politikna jadi bakal calon walikota/wakil walikota di Partai Gerindra. Sateuacanna manéhna geus pernah sosialisasi ngeunaan mimpina jadi walikota/wakil walikota[4]. Di taun 2018, manéhna jadi calon Wakil Walikota Bandung baréng calon Wali Kota Bandung Oded M. Danial di nomor urut 3[5]. Ahirna Yana Mulyana jadi Wakil Wali Kota Bandung ku meunangkeun 634.682 sora di Pemilihan Wali Kota Bandung 2018[6].
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |