Kaca obrolan atawa kaca sawala dipaké pikeun ngadiskusikeun parobahan atawa masalah dina artikel atawa kaca. Sakabéh artikel Wikipedia, kaca pamaké, kaca kawijakan, citakan, jrrd. mibanda kaca obrolan masing-masing. Paké menu Sawala di bagian luhur kaca pikeun ngaksés ieu kaca.

• Kaca sawala pikeun artikel dipaké pikeun ngobrolkeun parobahan dina hiji artikel nu tangtu.
• Kaca obroan pikeun saurang pamaké dipaké pikeun ngirimkeun pesen ka éta jalma.
• Kotak talatah 'Anda memiliki pesan baru' bakal muncul di bagian luhur sakabéh kaca Wikipedia anu diaksés pamaké targét, nepi ka éta jalma ningali jeung maca kaca obrolanna.
• Kaca sawala Wikipedia dipaké pikeun ngabahas hiji kawijakan atawa palanggeran Wikipedia.

Pikeun ngaaksés kaca obrolan, pilih tutumbu anu tulisanna Obrolan atawa Sawala anu aya dina luhureun kaca, perenahna di gigireun tab Édit

Husus pikeun kaca obrolan pikeun pamaké, unggal aya parobahan kana éta kaca mangka éta pamaké bakal meunang notifikasi anu muncul dina unggal kaca. Tanda ieu bakal leungit upama pakaé geus muka kaca obrolanna

Kaca obrolan tujuanna lain pikeun obrolan biasa. Kaca sawala dina artikel ngan ukur dipaké pikeun topik anu patali jeung upaya-upaya ningkatkeun kualitas artikel anu dimaksud.

Kaca diskusi ogé sacara tegas lain mangrupa forum pikeun paguntreng (debat) ngeunaan isu-isu kontrovérsial. Kaca diskusi mangrupa forum pikeun ngadiskusikeun kumaha hiji artikel ngawengku sakumna puseur sawangan kalawan luyu, sangkan dina ahirna nyumponan kaidah NPOV. Paguntrengan anu mihak teu luyu jeung misi Wikipedia sarta bajal ngahalangan pagawéan utama panulisan ensiklopedia.

Pikeun ngajaga sangkan kaca bisa dibaca kalawan rapih, pamaké disarankeun pikeun maké tana colon (tanda ":") unggal ngabales pesen ti makaké séjén. Conto:

Artikelna teu aya réferénsian! padahal eusina matak jadi kontrovérsial pisan.--[[Pamaké:Ujang|Ujang]]
:Enya ogé nya, kuring kungsi ngadéngé hal anu sarupa kitu ti batur, engké urang néangan heula dina google --[[Pamaké:Lilis|Lilis]]
::Sim kuring meunang yeuh [http://foo.bar] cék heula wéh dina éta tutumbu, tapi sumberna sigana teu pati panceg, nya? --[[Pamaké:Cecep|Cecep]]
:::Ceuk kuring mah sumberna hadé --[[Pamaké:Ujang|Ujang]]

Kode di luhur bakal ngahasilkeun wangun saperti kieu:

Sababaraha aturan anu perlu diinget dina waktu nulis dina kaca obrolan, nyaéta:

• Paké basa anu sopan jeung basa loma anu sawajarna
• (Penting!)Témbongkeun jati diri Anjeun ku cara ngetikkeun tidle opat kali (~~~~) sangkan pamaké séjénna bisa ningali idéntitas jeung iraha Anjeun nyieun atawa ngédit tulisnan. Anjeun teu kudu nuliskeun [[Pamaké:Ujang|Ujang]] dina tungtung obrolan, tapi cukup ku ngetikkeun (~~~~) téa. Jati diri Anjeun bakal otomatis muncul, lamun geus login.
• Salawasna kudu maké format anu disarankeun (idéntasi) sangkan gampang dina waktu maca koméntar Anjeun, sarta ngabédakeun tina koméntar nu séjénna
• Lamun tulisanna kawilang panjang, pisahkeun jadi sababaraha paragraf
• Ulah maké kaca obrolan pikeun nyerang pamaké séjén