Lambang Komiteu Warisan Dunya, United Nations Educational, Scientific and Cultural Organization (UNESCO)

Loka Warisan Dunya UNESCO (UNESCO World Heritage Site) nyaéta loka/patempatan (kayaning leuweung, gunung, situ, pulo, gurun, tugu, wangunan, kompléks, atawa kota) anu ku United Nations Educational, Scientific and Cultural Organization (UNESCO) diasupkeun kana béréndélan anu ngandung signifikansi budaya jeung fisik istiméwa (baca béréndélan Loka Warisan Dunya).[1] Ieu béréndélan dikokolakeun ku Program Warisan Dunya internasional anu diurus ku Komiteu Warisan Dunya (World Heritage Committee) UNESCO, anu dieusi ku 21 nagara-nagara anggota UNESCO anu dipilih dina Sidang Umum.[2] Ieu program ngatalogkeun, méré ngaran, jeung mulasara loka-loka anu mibanda ajén anu kacida pentingna sacara budaya atawa alam pikeun kamanusaan. Sababaraha loka bisa ogé narima sumbangan ti Dana Warisan Dunya (World Heritage Fund). Ieu program diadegkeun dina Convention Concerning the Protection of the World Cultural and Natural Heritage,[3] anu diadopsi ku Konferénsi Umum UNESCO ping 16 Nopémber 1972. Ti harita, 191 nagara anggota ngaratifikasi ieu Konvénsi.

Taun 2014, geus aya 1007 loka anu adup daptar: 779 budaya, 197 alam, jeung 31 wangunan di 161 nagara anggota.[4][5] Dumasar lobana, Italia minangka anu panglobana (50 loka), dituturkeun ku Cina (47), Spanyol (44), Prancis (39), Jérman (39), Méksiko (32), jeung India (32).

Baca ogé

Réferénsi

  1. ↑ "World Heritage". 
  2. ↑ "The World Heritage Committee". UNESCO World Heritage Site. Diakses tanggal 14 October 2006. 
  3. ↑ Convention Concerning the Protection of World Cultural and Natural Heritage
  4. ↑ World Heritage List, UNESCO World Heritage Sites official sites.
  5. ↑ Sites in Germany and Italy bring to 19 the number of sites inscribed on the World Heritage List this year, UNESCO World Heritage Sites official sites.

Tutumbu kaluar

Wikimedia Commons mibanda média séjénna nu patali jeung World Heritage Sites .

   Tempo ogé Loka Warisan Dunya di Wikivoyage

Kategori