Karna Yudibrata ceuk Sobat jeung Muridna
- Ceuk A. Chaedar Alwasilah, Pa Karna guru, seniman mingpin mahasiswa ku imut.[2] Dina perkuliahan, teu ngarasa dipapatahan ku anjeunna, malah asa dianggap anak.[2] Teu matak asa-asa mun tatanya ngeunaan hal-hal cécék-bocék ogé, najan kitu, ngajawabna téh teu weléh daria.[2]
- Ceuk Amir Suyatna, Anu nganteng saumur-umur, moal poho ku imeutna sok mariksakeun lamun aya mahasiswa nu katarajang gering galingging panas tiris atawa panyakit séjénna.[2] Kang Karna Yudibrata ngajak réréncanganana ngalongok nu keur katarajang gering.[2]
- Ceuk Dédé Kosasih, Sasauranana éstuning matak genah jeung merenah, leuleus jeujeur liat tali.[2] Malah anjeunna mah kasohor hiji sepuh anu iasa meruhkeun jeung mépés anu keur amarah.[2]
- Ceuk Duduh Durahman, Taun 60-an Kang Karna gé kungsi ngalaman diopnameu di Cicéndo, najan teu nepi ka kudu dioperasi.[2] Ngan soca wé dipeungpeunan... topéng kaléng![2] Basa ngalongok bet hayang seuri.[2] Zorro lain, Batman sanés![2] Éta tuda kana batminton ku kadedemes.[2] Nepi ka kudu ngalaman diopnameu.[2] Lantaran soca kabéntar...kok![2]
- Ceuk Iskandarwassid, Ku lilana campur gaul jeung karasa pisan kanyaahna, lila-lila mah ka Kang Karna téh asa ka lanceuk wé.[2] Boh dina keur meunang kabungah, boh dina keur meunang karerepet, kuring tara asa-asa bruk-brak.[2] Ari ayeuna, nu bageur ka kuring téh pangsiun.[2] Bakal langka panggih.[2] Bakal langka tepung, moal bisa laluasa ngobrol.[2] Moal laluasa abring-abringan.[2] Ngan kari waasna.[2] Bati nineungna.[2]
- Ceuk Yayat Sudaryat, Karna Yudibrata téh guru, kolot, jeung sobat anu bageur tur asak jeujeuhan.[2] Lain ngan saukur jadi guru, Pa Karna mah sok ngawurukan kawas kolot ka anakna.[2] Karasa pisan minangka gaganti kolot di imah téh, sok ngajujurung kana kaalusan, sarta nyaram milampah kagoréngan.[2]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |