Bangkuang
Ilustrasi botani bengkuang, menurut Blanco
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Fabales
Kulawarga:	Fabaceae
Subfamili:	Faboideae
Génus:	Pachyrhizus
Spésiés:	P. erosus
Ngaran binomial
Pachyrhizus erosus (L.) Urb.

Bangkuang; (Pachyrhizus erosus) nyaéta sabangsa boléd bodas anu didaharna atah-atah sanggeus kulitna disebet, dicapékna nyakruk sok disebut ogé bui hiris pédah buahna saperti buah hiris.^[1] Bangkuang miboga ciri-ciri dumasar kana sababaraha faktor nyaéta:

• Habitus : Semak, sausum, ngabeulit watang buleud, miboga bulu, héjo .^[2]
• Daun: Tunggal, lonjong, sisina rata, tungtungna seukeut, puhuna mintul, tulang daunna menyirip, daunna buluan,panjangna 7–10 cm, rubak 5–9 cm, héjo .^[2]
• Kembang: Majemuk, wangun turuy, tempatna dina kélék daun, diwangun ti dua nepi ka opat, watangna panjang, kelopakna buluan, bentukna jiga lonceng, héjo, hulu putik buluan, makutana gundul,totol-totol héjo, bungur rada biru.^[2]
• Buah: Polong, wangun lanset, gepéng. héjo .^[2]
• Akar: Tunggang.^[2]

Bangkuang kaasup dina kategori pepelakan fitoestrogen anu pohara méré mangpaat pikeun kaum wanoja utamana pikeun maranéhanana anu geus nincak menopause.^[3] Sajaba ti éta, bangkuang ogé alus pikeun kaséhatan kulit, sarta bisa dijadikeun minangka pepelakan ubar alatan mangpaat pikeun mengobati wasir, panas, sariawan sakaligus méré mangpaat pikeun nyaimbangkeun kadar gula getih pikeun nu boga panyakit diabetes.^[3] Iwal ti éta bangkuang miboga mangpaat pikeun ubar beri-beri sarta lemes kana kulit.^[2] Daunna miboga mangpaat pikeun ubar panas, keur sikina miboga mangpaat pikeun ubar nyeri kulit.^[2]

• Christophe, Wiart (January 2006). Medicinal Plants Of The Asia-pacific: Drugs For The Future?. World Scientific. ISBN 9789814480338. 

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.