In 1551 änstuud dät Täärp ap ju Schiere fon dän Hearresleat un ju Skoatterlânske Kompanjonsfeart. Hier lait uk die Hearrewai, die Ferbiendengswai twiske Zwolle un Ljouwert.
Dät Greeuwen fon do two Kanoale waas ne Initiative fon träi Heeren: Fan Dekema, Cuyck un Foeyts. Ap n 24. Juli 1551 gruundje jo ne Kompagnie uum deermäd groote Deele fon dät Lound tou koopjen uum dät Eed tou winnen. Die Noome Hearrenfean betjut: die Foan fon do Heere.
In dät 19. Jierhunnert äntwikkelt It Hearrenfean sik truch sien rieke Ienwoonere. Et roate een Meelasje. Dät Täärp liech in two Meenten, Aengwirden un Skoatterlân. Eerste ap n 1. Juli 1934 sunt do two Meenten, un n Deel fon ju Meente Haskerlân, touhoupefoated un hat sietdäm Meente It Hearrenfean. Dät Täärp It Hearrenfean wäd ju Haudsteede fon ju Meente It Hearrenfean.
Kanoaltäärpe so as It Hearrenfean hääbe as Määrkmoal dät do Täärpe in eene Lienje baud wuuden sunt, juust as uk dät Rhauderfeen. It Hearrenfean is fon dät Noude ätter dät Suude 8 Kilometer, fon dät Wäaste ätter dät Aaste two Kilometere. Dät Wääste fon dät Täärp wäd begränsed fon ju Engelenfeart.
It Hearrenfean häd two Buurge. Bee heere tou do 25 Rieksmonumente in Fryslân. Crackstate is Paat fon dät Räidhuus un Oenemastate, fröier Räidhuus fon ju Meente Skoatterlân (ju der 1934 mäd Hearrenfean touhoopeföiged wuude), is nu Stääd-Koafjehuus.
Ju eensichste Määlne ju It Hearrenfean noch häd, is ju Koarelmäälne Welgelegen. Bit in do tachentiger Jiere fon dät foarige Jierhunnert stuud in ju Stäädmidde uk n Woatertouden.
Do hoochste Bauten fon It Hearrenfean sunt do tjo Woonhoochhuuse naamd Muntflats: Lânsicht, Romsicht un Heechsicht. Do sunt 15 Stok hooch un sunt Ounfang soogentiger Jiere baud wuuden.
It Hearrenfean wäd uk Sportstääd naamd wil et deer ful rakt wät Sport anbeträft. Dät Gebiet um dät Foutbalstadion un dät Stadion sälwen hat Sportstêd It Hearrenfean. In 2007 wuude dät oolde Sportzentrum De Telle deelrieten.
Abe Lenstra Stadion, dät Foutbalstadion wier SK It Hearrenfean foutbaalt.
Thialf, dät Iesstadion. In ju Ieshockeyhalle spielje do It Hearrenfean Flyers.
Skûtsjesilen. Dät hearrenfeanster Skûtsje (n Oart Mutte) is die Gerben van Manen.
Sportzentren in It Hearrenfean sunt:
Sportstääd It Hearrenfean: Hallenbad en Sporthalle. Swim- en Poloclub HZ&PC
Sportzentrum De Ikkers: Foutbaal Hearrenfeanske Boys
Sportzentrum De Greiden: Foutbaal VV Nijskoat, Foutbaal Cruyff Court, Athletik AV ‘55
Sportzentrum De Heide: Kuurichbaal Blau Wyt, Hockey Quick Stick
Sportzentrum Skoatterwâld: Foutbaal SK It Hearrenfean