Polybii (rreth 200 p.e.s. - pas 120 p.e.s.), ishte historiani më i madh grek i lindur në Megalopol të Arkadisë.
Polibi ishte aktiv në jetën politike të Greqisë së atëhershme dhe ishte një ndër udhëheqësit e lidhjes së Ahesë. Pas humbjes në luftën e tretë maqedonase-romake ai së bashku me aheasit tjerë u zu rob dhe u dërguan në Romë. Deri në këtë kohë ai ishte i njohur si kundërshtarë i Romës, mirëpo prezenca e tij në Romë dhe kontaktet e tija me shoqërinë aristrokate romake ndikuan në mendimin e tij politik mbi Romën. Edhe pse ai kishte fituar të drejtën të kthehej në vendlindje ai pas një vizite të shkurtër të vendit të tij u kthye përsëri në Romë ku tashmë kishte vendosur kontakte shumë të afërta me Scipion Emilianin. Në Emilianin ai kishte gjetur një mik të ngushtë dhe e përcolli atë në ekspeditat luftarake.
Polibi është autori i parë i historisë botërore të kohës antike, ai përpiloi një vepër të quajtur "Historitë" e cila përbëhet prej 40 librash. Fatkeqësisht nga vepra e tij janë ruajtur vetëm pesë librat e parë, nga të tjerët kanë mbetur vetëm disa fragmente.
Polibi në veprat e tij zakonisht si masë kohore e ngjarjeve merr Olimpiadat e në raste të rralla përdorë datime tjera të ndonjë ngjarje krahasuese. Burimet që përdor ai janë të zgjedhura dhe mundohet që ato dhe mendimet e tija të i dokumentoi. Ai si detyrë të historisë merr jo vetëm përshkrimin por edhe shpjegimin e ngjarjeve. [1]
Në veprat e Polibit trajtohen luftërat iliro-romake dhe ngjarjet tjera që janë zhvilluar në tokat ilire gjatë luftërave maqedono-romake. Trajtimin e këtyre ngjarjeve ai e bënë nga detyra e tij si zyrtarë romakë që lë të kuptohet edhe mangësia në objektivitetin e trajtimi.[2] Po ashtu ai, në vepren e tij, përmend për herë të par Dardaninë dhe dardanët.[3]
Nga Greqia | Anaksagora · Anaksimandri · Anaksimeni · Arkimedi · Apiani · Apollodori · Aristoteli · Demosteni · Diodori · Dion Kasi · Dionisi i Halikarnasit · Flav Arriani · Herakliti · Hekateu i Miletit · Herodoti · Hesiodi · Homeri · Isokrati · Ksenokrati · Lukiani · Pitagora · Polibi · Plutarku · Pausania · Platoni · Pseudo Skylaksi · Skylaksi i Kariandës · Skymni · Sokrati · Straboni · Thukididi · Zenoni |
---|---|
Nga Roma | |
Nga Egjipti | |
Nga Kisha | |
Nga Iliria | |
Nga Vende tjera |