Amoc | |
---|---|
Kuobžâ-Saammâl Maati Mikkâl[1] Mikkal Antti Oskar Morottaja | |
Riegádan | juovlamánu 24. beaivvi 1984:s[2][3] (39) |
Čearddalašvuohta | anáraččat |
Riikkavulošvuohta | |
Bargu | |
Ámmát | musihkkár, ráppejeaddji, ođaslohkki ja jietnaneavttár |
Giella | anárašgiella, suomagiella ja eaŋgalsgiella |
Bearaš | |
Váhnemat | Kuobžâ-Saammâl Matti |
Amoc, Mikkâl Antti Morottaja dahje anárašgillii Kuobžâ-Saammâl Maati Mikkâl lea anáraš ráp-artista (ráppejeaddji), gii ráppe anárašgillii. Son lea riegádan juovlamánu 24. beaivve 1984 ja lea eret Anáris. Son logai media Sámi oahpahusguovddážis Anáris. Miessemánu 9. 2007 Amoc oaččui Eurohpá nuoraid dán jagi nuorra eurohpálaš -bálkkašumi.[1]
Mikkâl Morottaja lea máilmmi vuosttas anárašgillii ráppejeaddji artista. Son geavaha dáiddárnama Amoc, mii boahtá sániin Aanar master of ceremony (Anára seremoniameaštir). Mikkâl álggahii ráppet suomagillii jo badjedásis, muhto molssui giela anárašgillii daningo háliidi ahte olbmot besset gullát dan.
Su bihttá Val moonam taan cooda (Vel manan dán čađa) lei máilmmi vuosttaš anárašgielat ráp-bihttá ja dat almmustuvai Mikseri.net-interneahttasiidduin. Doppe almmustuvai maid nubbi bihtá Kolle Aksu, mii gullui maid Suoma stuorámus mediain Sámi álbmotbeaivve áigge jagis 2005.
Amoc vuosttas cd-single Šaali almmustuvai juovlamánu 13. beaivve 2006. Guovvamánu 6. beaivve 2007 almmustuvai Amoc vuosttas album Amok-kaččâm, man almmustahtii Tuupa Records Oy ja goasttidii Anárašgiela searvi. Skierrus leat maid mielde Guerra Norte, sámeartista Wimme ja nubbi anárašgillii ráppejeaddji Ružže.
Amoc lea mielde maid Guerra Norte-nammasaš ráp-joavkkus.