The Unitit Kinrick o Great Breetain an Ireland wis the formal name o the Unitit Kinrick frae 1 Januar 1801 til 12 Aprile 1927. It wis shapit by the jynin thegither o the Kinrick o Great Breetain (itsel haein been a jynin o the Kinricks o Ingland an Scotland) an the Kinrick o Ireland.
Follaein Erse independence on 6 December 1922, whan the 1921 Anglo-Irish Treaty cam intae effect, the name conteenued in offeecial uise til it was chynged tae the Unitit Kinrick o Great Breetain an Northren Ireland by the Ryal an Pairlamentary Teetles Act o 1927. The pairt o the island o Ireland that seceded frae the Unitit Kinrick o Great Breetain an Ireland in 1922 the day maks up the Republic o Ireland.
Tho the Unitit Kinrick o Great Breetain an Ireland cam tae an end in 1922, the monarch conteenued tae uise the teetle o Keeng or Queen o the Unitit Kinrick o Great Breetain an Ireland til 1927. Then, unner the Ryal an Pairlamentary Teetles Act 1927, new teetles war introduced for the Breetish monarch so that he wad ring as Keeng o the Unitit Kinrick o Great Breetain an Northren Ireland, in the Unitit Kinrick o Great Breetain an Northren Ireland, an Keeng o Ireland, in the Irish Free State.