Satterness | |
---|---|
Satterness Lichthouse an Solway Firth | |
Location within Dumfries an Gallowa | |
Population | 170 (2001 Census) |
Cooncil area | |
Lieutenancy area | |
Kintra | Scotland |
Sovereign state | Unitit Kinrick |
Post toun | Dumfries |
Postcode destrict | DG2 |
Diallin code | 01387 |
Police | Scots |
Fire | Scots |
Ambulance | Scots |
EU Pairlament | Scotland |
UK Pairlament |
|
Scots Pairlament |
|
Satterness (English: Southerness (/sʌðə'nɛs/) is a smaw compact veelage in the historical coonty o Kirkcoubrieshire in Dumfries an Gallowa, Scotland. Satterness is locatit aboot 2 mile sooth o the A710 road atween Caulkerbush and Kirkbean. The toun nouadays is maistly a tourist veelage an haes for mony years haed a lairge nummer o static caravans, some preevat an mony let tae haliday-makkers. The local bus services tae an fae Dawbeattie an Dumfries is mair frequent durin the simmer saison.
The anely laundmerk is the Satterness Lichthoose that wis built in 1749 an is ane o the auldest lichthooses in Scotland. The lichthoose staunds aboot 56 fit heich an wis decommissiont in the 1930s.
Ane o the twa gowfcoorses wis redesignt in 1947 bi coorse manager Mackenzie Ross.
The veelage til the north haes the magneeficent sicht o the Marilyn hill the Criffel (1870 fit), an til the sooth the saundy bay Gillfoot (note: this is quicksaund). On clear days the views streetch across the Solway Firth til the fells o the Lake Destrict in England.
LightHouse Leisure is a faimily-rin pairk wi aboot 200 caravans. It haes an aw the Mermaid Baur on site whaur bingo is offert maist evenins durin the saison, an a soumin-puil wi a tannin buith. LightHouse Leisure is aboot a twa-meenit walk awa fae the strand an lichthoose o Satterness.
Satterness Haliday Pairk is awnt bi Parkdean Resorts. The're a new multi-purpose soumin-puil, built in 2011, wi fluims, a toddler-puil, an a 82 fit soumin-puil. The site haes an aw a naitur trail.