Meghri Մեղրի | |
---|---|
Meghri | |
Coordinates: 38°54′08″N 46°14′18″E / 38.90222°N 46.23833°E | |
Kintra | Armenie |
Marz | Syunik |
Govrenment | |
• Mayor | Sergey Hayrapetyan |
Area | |
• Total | 77.70 km2 (30.00 sq mi) |
Population (2010) | |
• Total | 4,775 |
• Density | 61/km2 (160/sq mi) |
Time zone | GMT +4 |
Meghri (Armenie: Մեղրի; Romanizit as Mehri, Mughru, Myghry, Mergi, Megry, Megri, an Mogri) is a ceety in soothren Armenie, locatit in the Syunik Province, near the mairch wi Iran.[2] The ceety's economy is based on the fuid industrie, an contains a breid-bakin factory, canneries an a winery. Meghri haes a significantly milder climate than the rest o the ceeties in Armenie, an produces fruits no foond in ither pairts o the kintra. Meghri forms an urban commonty (municipality). The Naitional Statistical Service o the Republic o Armenie (ARMSTAT) reportit its population wis 4,775 in 2010,[3] doun frae 4,805 at the 2001 census.[4]
A nearbi Roushie militar base hooses aboot 2,000 sodgers, who alang wi Armenie sodgers guard the mairch wi Iran. The Iran-Armenie Natural gas pipeline passes throu the ceety. In early 2007, it wis reportit that the govrenments o Armenie, Roushie, an Iran are plannin tae big an ile refinery for petrol export tae Iran. This project wad be led bi Gazprom.
Meghri is the anerlie place in Armenie that produces pomegranate.
A poleetical firestorm ignitit efter the Key Wast Peace Talks atween Armenie an Azerbaijan ower Nagorno-Karabakh. Azerbaijan annooncit that Armenie affered tae swap the stretch o Armenie territory that separates Nakhchivan frae the rest o Azerbaijan, cried the Meghri strip, in exchynge for offeecial Armenie sovereignty ower the Lachin corridor.[5] Opposition tae this plan eruptit in baith kintras, an Robert Kocharyan an Heydar Aliyev haed tae quickly disavou the proposal.