Lewis Capaldi | |
---|---|
Capaldi at the SWR3 New Pop Festival 2019 in Baden-Baden | |
Background information | |
Birth name | Lewis Marc Capaldi |
Born | Glesga, Scotland | 7 October 1996
Genres | |
Thrift | Sangster-sangwriter |
Instruments |
|
Years active | 2013–present |
Labels |
|
Wabsteid | lewiscapaldi |
Lewis Marc Capaldi[3] (/luːɪs kəˈpældi/ LOO-is kuh-PAL-dee;[4] born 7 October 1996) is a Scots sangster-sangwriter an muisicker.[5] He wis pit furrit for the Critics' Choice Award at the 2019 Brit Awards. In Mairch 2019, his single "Someone You Loved" tappit the UK Singles Chart whaur it steyed fur seiven week, an in November 2019, it reached nummer ane on the US Billboard Hot 100; it wis pit furrit at the 62nd Annual Grammy Awards fur Song of the Year an wan the 2020 Brit Award for Song of the Year. Capaldi wan the 2020 Brit Award for Best New Artist as weel.[6]
On 17 May 2019, he lowsed his debut album, Divinely Uninspired to a Hellish Extent, that steyed at the tap o the UK Albums Chart fur sax week. It later went on tae become the best sellin album o 2019 an 2020 in the UK, an "Someone You Loved" wis the best sellin single of 2019 in the UK. In Mey 2020, it wis annoonced that Capaldi's song "Someone You Loved" haed become the langest-rinnin tap 10 UK single o aa time bi a British artist.[7]
Capaldi wis born in Glesga, Scotland,[3] an bade there til he wis fower year auld.[8] He is the yungest o fower bairns. His mither is a nurse an his father is a fishmonger.[9] Capaldi went tae schuil at St. Kentigern's Academy, Blackburn in Wast Lowden.[10] In 2016, he graduatit with ae HND in Music fae New College Lanrikshire, Motherwal.[11] Capaldi lairnt tae play guitar whan he wis nine.[12] Bi 17 he haed set on a career in music.[13]
In 2014 Capaldi teuk pairt in a three-date tour as pairt of the Hit the Road projeck rin bi The Scottish Music Centre. He played in Dumfries, Edinburgh an Fort William alang wi Jacob and Rory Green and Zoë Bestel.[14] Aged 18, he wis discovert bi his manager Ryan Walter throu an iPhone recordin Capaldi makkit in his bedroom an haed pit up on his SoundCloud accoont. The day efter first contactin Capaldi, Walter flicthtit fae America tae Scotlan tae hear Capaldi play live.[15]
He lowsed his debut extendit play recordin Bloom EP on 20 October 2017,[16] that he wirkit wae Grammy Award-winnin producer Malay, a lang-time collaborator o Frank Ocean.[17] He later pit oot his first track "Bruises" on 31 Mairch 2017. The sang quick gaint neir 28 million plays on Spotify warldwide, makin him the fastest iver unscrievit airtist tae reach 25 million plays on the platform.[18] Shortly efterwarts, he wis scrieved tae the German brainch o Universal Music Group, an wis pit tae the Vertigo Berlin division. His lowsins are pit oot in the UK bi Virgin EMI Records an in the US bi Capitol Records.[19]
In late 2017, Capaldi wis named as ane o Vevo dscvr 'Artists to Watch 2018'[20] an he wan Best Acoustic at the Scottish Alternative Music Awards.[21] Capaldi wis also lang-leetit fur BBC Music's Sound of 2018.[22]
He supportit Rag'n'Bone Man on his European tour in November 2017, an Milky Chance on their North American leg o the Blossom tour in Januar 2018. He gaint mense fae celebrities includin Chloë Grace Moretz, Ellie Goulding, an Niall Horan.[23] Horan invitit Capaldi tae support him on twa dates on his Flicker World Tour at the Glasgow SEC Armadillo in Mairch 2018. In May 2018 Capaldi jynt Sam Smith on their The Thrill of It All European Tour, appenin fur Smith ower 19 date. He annooonced a fowert heidline UK an European tour, this time playin 2000 capacity venues athort the UK an Europe, includin twa nichts at Glesga's Barrowland Bawroom, wae baith shows sellin oot.
On 13 Julie 2018 Capaldi wis named as ane o twa acts in BBC Radio 1's Brit List, giein him three successive incremental Radio 1 playlist places.[24] In August 2018, Irish Indie rock band Kodaline invitit Capaldi tae appen fur thaim at ae concert in Bilfawst. Forbye, Capaldi wis pairt o the line-ups fur mony fests durin the simmer o 2018, includin: Lollapalooza, Bonnaroo, Firefly, Mountain Jam, Osheaga, Reading & Leeds Festival, Rize an TRNSMT. Capaldi's seicont EP Breach wis lowsed on 8 November 2018, that includit the singles "Tough" and "Grace", that haed been pit oot afore, alang wae new ssngs "Someone You Loved" an ae demo o "Something Borrowed". Zane Lowe premiered "Someone You Loved" on Apple's Beats 1 radio on the day o lowsin. On 14 November 2018, Capaldi performt ae cover o Lady Gaga's "Shallow" fae A Star Is Born live on BBC Radio 1's Live Lounge.[25]
Capaldi appent 2019 wae his single "Someone You Loved" chairtin in 29 kintras. The sang spent seiven week at nummer ane on the UK Singles Chart. His debut album Divinely Uninspired to a Hellish Extent follaed in Mey, that becam the best sellin album in the UK in five year, bein the nummer ane album fur five week in its first sax week o lowsin. The album also wis gien gowd status in the UK juist twa week efter lowsin.[26] At the 2019 Brit Awards, Capaldi wis pit forrit fur the Brit Critics' Choice Award, but lost tae Sam Fender.
Capaldi becam the first artist tae sell oot an arena tour afore the lowsin o an album. The shows selt oot in ae seicont o tickets bein available. Capaldi played tae ower a quarter o a million fowk in Mairch 2020.[27]
In April 2019, Capaldi's cover medley o "Can't Help Falling in Love / Mamma Mia" that he recordit at Wogan House wis pit oot alang wae BBC Radio 2's compilation album, The Piano Room 2019.[28] Later that month the video gemm Days Gone, wis pit oot, an haed Capaldi's sang "Days Gone Quiet" in the end credits.[29]
On 5 August 2019, Capaldi performed sangs fae his album wae the Manchester Camerata fur a speicial Live Lounge Symphony concert in Croxteth, Liverpool.[30] Fae 16 to 26 August 2019, he supportit Ed Sheeran at the end o his Divide warld tour, playin fower gigs wae him in Ipswich an Leeds.[31]
At the end of October 2019, "Someone You Loved" reached nummer ane on the Billboard Hot 100, makin him the first Scots solo airtist tae tap the US chairts syne Sheena Easton in 1981.[32] On 30 October, Capaldi wis announced as an appenin act fur Niall Horan's Nice to Meet Ya Tour, that wis due tae stairt in 2020 afore it wis caaed aff owin tae the COVID-19 pandemic.[33] "Someone You Loved" wis nominatit fur Song of the Year at the 2020 Grammys,[34] an Capaldi haed three nominations at the 2020 Brit Awards, winnin twa awairds.[6] His single "Before You Go" fae the extendit edition o Divinely Uninspired to a Hellish Extent becam his seicont UK Singles Chart-topper on 31 Januar 2020.[34]
In September 2020, Divinely Uninspired to a Hellish Extent passt ane million chairt sales in the UK.[35]
In December 2020, Capaldi did a shawin o "Someone You Loved" an "Before You Go" alang wae ae cover o Wham's "Last Christmas" at the virtual iHeartRadio Jingle Ball.[36]
Sin 2020, Capaldi haes been in writin an recordin sessions fur his upcomin seicont studio album hat is expectit tae be pit oot at some pynt durin 2022. He annoonced at the end o December 2020 that he'd be takin a break fae social media tae focus on wark fur the album.[37] Its lead single, "Forget Me", was pit oot on 9 September 2022.[38]
Capaldi makkit a line o pizzas, cried Big Sexy Pizza.[39]
On 26 September 2022, Capaldi did ae cover o Britney Spears' 2004 UK nummer 1 single "Everytime" fur a BBC Radio 1 Live Lounge performance.[40][41][42] Capaldi also performt "Forget Me".
Capaldi is o Scots, Irish and Italian ancestry.[43] The actor Peter Capaldi is his seicont cousin ance remuived on his faither's side. Peter Capaldi kythed in his music video for "Someone You Loved" an wis the lead sangster an guitarist in a punk rock baund cried the Dreamboys.[44] He is a distant relative o Barrhead-born nuclear physicist Joseph Capaldi as weel.[3]
Capaldi is kent fur his social media presence, in pairticular his humorous, awfy-moothed videos.[45] In Februar 2020, Capaldi wis reportit bidin wae his parents in Bathgate.[46] In September 2020, Capaldi bocht a Castlehill fermhoose in East Renfrewshire.[47][48][49] He is a fitba fan an supports Celtic F.C.[50]
Capaldi has descrieved "Before You Go" as "by far the most personal tune" he's iver wrate.[51] Capaldi haes said that his aunt killt hersel whan he wis "five or six", an the song deals wae the emotional eftermath o suicide.[52][53]
He struggles wae anxiety. Fur his arena tour in 2020, he launched an initiative cried, LiveLive, to help fans hiv a mare enjoyable experience at his concerts.[54]
In September 2022 he revealt that he haes been diagnosed wae Tourette's syndrome.[55]
Year | Organisation | Category/Award | Wark | Result | |
---|---|---|---|---|---|
2017 | Scottish Alternative Music Awards | Best Acoustic Act | Himself | Wan | [56] |
Scottish Music Awards | Best Breakthrough Artist Award | [57] | |||
2018 | BBC | Sound of 2018 | Includit | [58] | |
Great Scot Awards | Breakthrough | Wan | [59] | ||
Forth Awards | Rising Star Award | [60] | |||
2019 | Brit Awards | Critics' Choice Award | Nominatit | [61] | |
MTV | Brand New for 2019 | Wan | [62] | ||
Q Awards | Best Track | "Someone You Loved" | Wan | [63] | |
NRJ Music Awards | International Song Of The Year | Nominatit | [64] | ||
International Revelation Of The Year | Himself | Nominatit | [64] | ||
BBC Teen Awards | Best British Singer | "Someone You Loved" | Wan | [65] | |
Best Single | Himself | Wan | [65] | ||
2020 | Grammy Award | Song of the Year | "Someone You Loved" | Nominatit | |
iHeartRadio Music Awards | Best Lyrics | Nominatit | [66] | ||
Best New Pop Artist | Himself | Nominatit | |||
Brit Awards | Male Solo Artist | Nominatit | [67] | ||
Best New Artist | Wan | ||||
Song of the Year | "Someone You Loved" | Wan | |||
Album of the Year | Divinely Uninspired to a Hellish Extent | Nominatit | |||
Global Awards | Best Male | Himself | Nominatit | [68] | |
Best British Act | Nominatit | ||||
Best Mass Appeal Artist | Wan | ||||
Most Played Song | "Someone You Loved" | Wan | |||
Best Song of 2019 | Nominatit | ||||
Kids' Choice Awards | Favorite Breakout New Artist | Himself | Nominatit | [69] | |
LOS40 Music Awards | Best International New Act | Nominatit | [70] | ||
Best International Album | Divinely Uninspired to a Hellish Extent | Nominatit | |||
Best International Song | "Before You Go" | Nominatit | |||
MTV Video Music Awards | PUSH Best New Artist | Himself | Nominatit | [71] | |
Ivor Novello Awards | Most Performed Work | "Hold Me While You Wait" | Nominatit | [72] | |
"Someone You Loved" | Nominatit | ||||
Billboard Music Award | Top Hot 100 Song | Nominatit | |||
Top Radio Song | Nominatit | ||||
UK Music Video Awards | Best Pop Video – UK | "Before You Go" | Nominatit | ||
American Music Awards | New Artist of the Year | Himself | Nominatit | ||
Favorite Artist – Adult Contemporary | Nominatit | ||||
Favorite Song – Pop/Rock | "Someone You Loved" | Nominatit | |||
Scottish Music Awards | Best UK Artist | Himself | Wan | [73] | |
2021 | iHeartRadio Music Awards | Best Lyrics | "Before You Go" | Nominatit | [74] |
Ivor Novello Awards | Most Performed Work | Nominatit | [75] | ||
"Someone You Loved" | Nominatit | [76] |
Heidlinin
|
Supportin
|