Jean Redpath | |
---|---|
Born | 28 Apryle 1937 Edinburgh, Scotland |
Dee'd | 21 August 2014 Arizona Unitit States |
Thrift | Scots muisician and sangster |
Kent for | Robert Burns sangs |
Jean Redpath, MBE, (b. 28 Apryle 1937 - d. 21 August 2014) wis a sangster o Scots muisic. She wis weel-kent as a folk sangster an recordit mony o the sangs o Robert Burns.
Jean Redpath wis born in Edinburgh, an dee'd in Arizona in the Unitit States.[1] She hid bided and sang wi sangster Bob Dylan in New York whiles.[1] An she travailit athort Americae wi her sangs an wis o TV an Radio,[2] an recordit Scots folk sangs an mony sangs o Robert Burns, frae 1962 tae 1990. She becam airtist in residence in 1972 at the Wesleyan Varsity o Middletoun, Connecticut an syne at Stirlin varsity in 1979 an in 2011 at the Varsity o Edinburgh.[3]
She wis gien honorar doctorates frae the varsities o Stirlin, Saunt Andraes, Glesga an the Ryal Scottish Academie o Drama an Airt (noo the Ryal Conservatoire o Scotland). She wis makit an MBE in 1987.[3]
In 2008, Redpath wis eikit tae the Scottish Traditional Music Hall o Fame. She wis makit a Colonel of the Steet o Kentucky.[3]
The Varsity o Sooth Carolina haes an archive o Jean Redpath warks an correspondence.[4]
Leven, Fife wis whaur she wis brocht up, an haes a street cried efter hir: 'Jean Redpath Wynd'.[5]
Scots sangster, Sheena Wellington thocht Redpath wis (in Inglis) "the foremost ambassador for Scottish traditional song for more than 50 years".[1]