Gottfried Wilhelm Leibniz | |
---|---|
![]() Portrait bi Christoph Bernhard Francke | |
Born | 1 Julie 1646 Leipzig, Electorate o Saxony, Haly Roman Empire |
Dee'd | 14 November 1716 Hanover, Electorate o Hanover, Haly Roman Empire | (aged 70)
Naitionality | German |
Eddication |
|
Era | 17t-/18t-century philosophy |
Region | Wastren philosophy |
Schuil | Rationalism |
Main interests | Mathematics, physics, geology, medicine, biology, embryology, epidemiology, veterinary medicine, paleontology, psychology, ingineerin, lingueestics, philology, sociology, metapheesics, ethics, economics, diplomacy, history, politics, muisic theory, poetry, logic, theodicy, universal leid |
Notable ideas |
|
Signatur | ![]() |
Gottfried Wilhelm Leibniz, cried Leibnitz or von Leibniz as weel (1 Julie (21 Juin Auld Style) 1646 – 14 November 1716) wis a German scientist that scrieved maistly in French an Latin.
He wis educate in law an philosophy. He wrocht as factotum tae twa muckle German noble hooses (ane becomin the British ryal faimlie at the time he wis wirkin for it). Leibniz haed a muckle role in the European politics an diplomacy o his day. He haes juist as big a place baith in the history o philosophy an in the history o mathematics. He inventit calculus at the same time as Newton, an his notation is the ane in general uiss syne. He inventit the binary seestem forby, the foonds o juist aboot aw modren computers.Template:Whit?
In philosophy, he is best mynt for optimism. His thocht wis that the universe is, in ae sense, the best possible that God coud hae made. He wis ane o the great 17th century rationalists. Mony fowk sees René Descartes an Baruch Spinoza as the ither twa. His philosophy leuks back on the Scholastic tradeetion an leuks forrit on modren logic an analysis.
Leibniz made unco contreibutions tae pheesics an technology forby, an anteecipatit concepts that surfaced lang efter in biology, medicine, geology, probability theory, psychology, an information science. He wrate on politics, law, ethics, theology, history, an philology, an aw. Whiles he e'en wrate in verse. His contreebutions tae this muckle array o subjects is scattered in jurnals, in tens o thoosands o letters, an in unpublished manuscripts. As o 2006, thare isna ony complete edeetion o Leibniz's writins, sae a full accoont o his accomplishments isna yet possible.
![]() |
Wikimedia Commons haes media relatit tae Gottfried Wilhelm Leibniz. |