George Walker Bush (born 6 Julie 1946 in New Haven, Connecticut) served as the 43rd Preses o the Unitit States frae 2001 tae 2009 an the 46t Govrenor o Texas frae 1995 tae 2000.
George W. Bush (born 6t Julie, 1946) wis eleckit Preses o the Unitit States o Americae in 2000, an wis re-eleckit Preses in 2004. Bush is a Republican, an haes Dick Cheney as his Vice Preses. He is frae Midland, Texas, an awns a ranch thare.
He is the son o umwhile U.S. Preses George H. W. Bush. Afore he wis Preses, Bush wis Governor o Texas. He is mairiet on Laura, an thay hae twin dochters, Jenna an Barbara.
Bush wis born in Connecticut, an growed up in Midland, Texas on a ranch. He jynt the Naitional Gaird durin the Vietnam Weir, but didna fecht in Vietnam.
He wis first electit in the election o November 2000, wi Dick Cheney as Vice Preses. Florida wis a state whaur election results wis argied ower. It teuk ower a month tae lairn the winner. Bush wis declared tae be the winner, but mony fowk disputes this yet. Acause o the Electoral College seestem, Florida's votes wis key for Bush tae beir the gree, e'en tho Bush lost the naitionwide popular vote tae Al Gore.
At the election o November 2004 Bush run agin the Democratic candidate, John Kerry. He wun his seicont term in that election; the affcome o this election isna in dispute.
His seicont term endit on 20 Januar 2009, when he wis succeedit bi Barack Obama.
He wis Preses at the time o the 11t September attacks.
Bush haes been creiticeised for his role in the 2003 Iraq weir, that he stertit claimin Iraq haed wappens o mass destruction. Nae sic wappens haes been funnd. Efter the attacks o the 11t o September in New York, some haes creiticeised him for his conter-terrorism meisurs an aa. Amang ither things, his admeenistration haes been accuised o ill-daeins wi its "extraordinary rendition" policy—i.e. takkin terrorist suspects tae kintras whaur laws anent treatment o thaim in the jyle is less strict nor the US, an haein thaim interrogate bi the local polis. His guvrenment haes hauden terrorist suspects athoot trial in Guantánamo Bay, Cuba an aa.[1][2]
![]() |
Wikimedia Commons haes media relatit tae George W. Bush. |