Evelyn Vida Baxter LLD FRSE FLS FZS MBE | |
---|---|
Born | 29 Mairch 1879 Gilston, Fife, Scotland |
Dee'd | 1 October 1959 The Grove, Kirkton of Largo, Fife | (aged 80)
Naitionality | Scottish |
Awairds | Union Medal of the British Ornithological Union |
Scientific career | |
Fields | bird migration |
Evelyn Vida Baxter LLD FRSE FLS FZS MBE (29 March 1879 - 1 October 1959) wis a Scottish naituralist and ornithologist, an wis the first woman to get the Union Medal of the British Ornithological Union.[1]
Baxter wis born on 29 Mairch 1879 tae John Henry Baxter an his wife at Gilston, Fife.
She got hersel intae naitural history (for the maist pairt bird migration), an syne, heezit up bi Eagle Clarke in 1905, she an her marrae Leonora Jeffrey Rintoul (1878-1953) yokit til bird studies at the Isle of Mey. They observit the shiftins o birds for mair nor 20 years an furthset a wheen o scrieves an buiks, ane bein The Birds of Scotland in 1953. Baxter's obituary gies that in Rintoul, Baxter fand "a kindred spirit and inseparable companion".[2]
Wi Rintoul, H F D Elder, an George Waterston, Baxter foundit Scottish Ornithologists' Club on 24 Mairch 1936.[3][4] Baxter an Rintoul serrt thegither as Preses an syne Honorar Preses.
In Warld War II she volunteered wi the Women's Land Army whiles lairnin bairns at Sunday schule forbye, whaur she got cried "Miss Evie". An MBE wis ware't til Baxter in 1945, tae gie mense til her wark in the war.[5] In 1951, alang wi Rintoul, Baxter wis gart a fellow o the Ryal Society o Edinburgh; she an Rintoul war the anely non-graduates out o aicht women memmers.[6]
She wis the first woman Vice Preses o the British Ornithologists' Union an wis gien their Union Medal in 1959, the first woman tae get it. In 1955 the Varsity o Glesga gied her the honorar o Doctor of Laws (LLD).[7]
She dee'd at The Grove, Kirkton o Largo, Fife.[8]
Baxter wis the great granddochter o David Brewster an the great-great-great-great granddochter o the scientist Mary Somerville. She wis the cuisin o the ornithologist, Annie Constance Jackson (1889-1928) an the entomologist, Dorothy Jackson (1892-1973)[9]
Aa thir warks war co-scrievit wi Leonora Jeffrey Rintoul