Coordinates: 54°58′47″N 3°59′03″W / 54.97972°N 3.98417°W
Crossmickle (Scots Gaelic: Crois Mhìcheil) is a smaw veelage on the east side o Loch Ken in the historical coonty o Kirkcoubrieshire, in Dumfries an Gallowa, Scotland. Crossmickle is aboot 4 mile north o Castle Douglas. Crossmickle is the name an aw o the ceevil pairish.
Crossmickle wis first recordit in 1164 whan Gallowa wis a sequestrate laund.
Crossmickle his a public hoose, a shap, a marina, and a kirk wi a kenspeckle steeple.
The A713 road rins throu Crossmickle. The veelage is on the 520 bus route.
Tounheid o Greenlaw is ae mile til the sooth. The site o Greenlaw (National Grid Reference (NGR): NX 74800 64500) is said tae be a Roman haly-muild, and occupees risin grund.
A Roman fort aince existit til the sooth near Glenlochar barrage at Aibey Yaird.
Saxteen ither forts, motts, stane circles, an cairns aw lie within 3 mile o Crossmickle.
The veelage name comes fae the Cross o St Michel, the patron saint o the oreeginal kirk.
The Pairish o Crossmickle is recordit as faur back as the 12t century. A biggin was believed tae be praisent afore 1547 as the earliest lair-stane beirs that date. The praisent kirk biggin dates fae 1751, bit includes the kenspeckle roond tour o an earlier date. Some evident suggests that the roond tour wis biggit aroond 1611 bi Sir Robert Gordon o Greenlaw, Crossmickle Pairish. The date on the bell (1611) in the roond tour seems tae confirm this. In 1852 the kirk wis remodelt bi the airchitect John Starforth.[1] The kirk ben conteens the Laird's Lofts o the local faimilys fae Danevale Pairk, Culgruff, an Mollance Hoose.
The kirkyaird his Covenanters graffs datin fae The Killin Times o the 1680s, a fine decoratit Gordon moniment [1757], a table stane wi an acrostic epitaph tae Rev Andrew Dick, an three war graffs.