Billy Connolly, CBE (born William Connolly, Jr. on the 24 November, 1942, in Anderston, Glesga) is a Scots comedian, actor, muisicker, an presenter. He is whiles kent in his native Scotland bi the eikname The Big Yin.
In the early 1960s, Connolly's first tred wis as a welder (specifically a bylermakker) in the Glesgae shipyerds, but he gied it up at the end o the decade sae's he cud be a fowk singer. In the middle o the 1970s, he chynged career again, this time becomin a comedian, a role that he held at til 2018.[1] Forby, he is a penter an a actor, an haes appeart in films the likes o Indecent Proposal (1993) an Mrs. Brown (1997), that he wis nominatit for a BAFTA for.
Connolly wis born at hame in Anderston, Glesga. He grew up in a tenement in the same area. Connolly haes five weans. He is mairit on Pamela Stephenson, the maw o his three yungest weans.[2]
In 2013, he wis diagnosed wi Parkinson's disease an haed surgery for prostate cancer.[3] In Januar 2019, Connolly sayed he wis "near the end o his life" as his Parkinson's got waur.[4]
Connolly haes ackit in a wheen films, the likes o: Indecent Proposal (1993), Mrs. Brown (1997), The Boondock Saints (1999), The Debt Collector (1999), The Man Who Sued God (2001), The Last Samurai (2003) and Lemony Snicket's A Series of Unfortunate Events (2004). He gied his vyce tae the films Garfield: A Tail of Two Kitties (2006), Open Season (2006 and 2008), an Brave (2012).
Connolly is aye gettin votit Britain's best comedian by television viewers. He is a fowk muisiker an television presenter an aa.
Connolly wis nominate for a BAFTA award for his pairt in the film Mrs. Brown. He wis gien a CBE in 2003.[5]