Augusta Ada King, Coontess o Lovelace (néeByron; 10 December 1815 – 27 November 1852) wis an Inglis mathematician an writer, chiefly kent for her wirk on Charles Babbage's early mechanical general-purpose computer, the Analytical Engine. She wis first tae ken that the machine hid uises forby pure calculation and is cawed the 'first computer programmer',[1][2] tho this wis recently disputit.[3]
She wis the anely lea'some bairn o makar, Laird Byron an reformer, Anna Isabella Milbanke.[4] Her mither haed studied mathematics, an wis eddicatit preevatly forby in mathematics, which wisna ordinar fir a wumman,[1] but ae o her tutors wis Mary Somerville.[5]
Whan she wis seiventeen, throu Somerville, Lovelace stairtit tae wirk wi Charles Babbage an thru him wis able tae study advanced mathematics at the Varsity o Lunnon.[1] Efterwirds, it wis speired at her tae pit ower an airticle aboot Babbage's machine bi an Italian ingineer, Luigi Federico Menabrea for a Swisser jurnal. She didnae juist pit ower the origeenal Frainch airticle intae Inglis, she eikit in notes o her ain, thit endit up three times langer nor the origeenal.[1][6][7]
She mairit Wiliam King in 1835, an whan he becam the Earl o Lovelace in 1838, she becam Coontess o Lovelace, an haed three bairns.[8]
Lovelace met wi an wrocht wi ithir scientists forby Charles Babbage, sik as Andrew Crosse, David Brewster, Charles Wheatstone, Michael Faraday an author, Charles Dickens. She wis eddicatit frae thaim an forby descrivit hersel as an analyst an metaphysicist, an cawed hir ain method 'poetical science'.[4]
She dee'd o cancer, whaun she wis thirty-seiven, on 27 November 1852.[8]
Ada Lovelace Day is celbratit ilka year, sin 2009, oan the seicont Tuesday in October[9][10] tae "howk up the profile for weemen in science, technology, engineerin, an maths," an tae "hiv new role models for lassies an weemen"[11][12] an a medal an annual lectur is awairded in her name.[13][14] In 2012, a Google Doodle wis pit thegither fir Ada Lovelace Day.[15] A statue o Lovelace wis addit tae the Trinity Leebrary, Dublin, Ireland in 2018.[16] An Ada Lovelace biggin in Exeter Science Pairk, England, wis appent in 2021.[17]
In 2023, the UK Ryal Mint, issued a £2 coin tae "honour the innovative contreebutions o computer science visionary Ada Lovelace an her legacy as a female trailblazer."[18]
↑Hammerman, Robin; Russell, Andrew L. (2016). Ada's legacy. ACM books (First edition ed.). New York San Rafael, California: Morgan & Claypool Publishers. ISBN978-1-970001-49-5.CS1 maint: extra text (link)
↑ abLovelace, Ada; Toole, Betty A. (1992). Ada, the enchantress of numbers: a selection from the letters of Lord Byron's daughter and her description of the first computer (1. ed ed.). Mill Valley, Calif: Strawberry Press. pp. 156–157, 234–235. ISBN978-0-912647-09-8.CS1 maint: extra text (link)
↑"Lovelace Lecture & Medal : BCS". web.archive.org. 26 August 2006. Archived frae the original on 26 August 2006. Retrieved 24 Juin 2024.CS1 maint: BOT: original-url status unknown (link)