Minu Reitanu (Biniaminu) (Sciumara 'i Muru 7 di dicèmmiru 1944 – Agrati Brianza, 27 di jinnaru 2009) fu nu cantanti Rigginu di mùsica taliana, canusciutu a liveddu nazziunali e ntirnazziunali, spiciarmenti ntê cumunitati di emigrati taliani a l'estru.
Nasci a Sciumara 'i Muru di na famigghia pòvira, e pi ott'anni studìa ô Cunsirvatòriu Franciscu Cilea di Riggiu sunannu lu chianuforti, lu viulinu e la trumma.
Ancora picciutteddu trasloca câ famigghia ntâ Girmania, unni accumincia li primi passi dâ so' carrera musicali nzemi ê soi frati cô nomu d'arti I Fratelli Reitano.
Li canzuni ca ci dèttiru lu successu, foru apprima Non prego per me, scrivuta pi iddu di Battisti e Mogol, quannu s'apprisintau pâ prima vota ô pùbbribu talianu ô fistival di Sanremu; vìnniru appoi Avevo un cuore (che ti amava tanto) e Una chitarra cento illusioni e tanti àutri ancora.
Participau a tanti show tilivisivi, scrivìu nu rumanzu titulatu Oh Salvatore!, fici l'atturi nta tanti film e ntâ pillìcula Sono pazzo di Iris Blond (1996) di Carlu Verdone, fa' la parti d'iddu stissu.
Ntô 2007 ci veni na malatìa tinta e lu 27 di jinnaru 2009 mori ntâ so' casa di Agrati Brianza.