Fungus Rock, ca veni chiamata macari 'n lingua maltisa Il-Ġebla tal-Ġeneral (lu scogghiu dû Ginirali), è na nica isulidda, granni petra carcàrica, àuta 60 metri, ca s'attrova â trasuta dâ lacuna nìura quasi a forma di cìrculu a Dwejra, nti l'ìsula di Gozo, nti l'arcipèlacu maltisi.
Lu Ginirali dê Cavaleri Uspitaleri apparentimenti avìa scuprutu na rara chianta a tùbbiru, lu Fucus coccineus melitensis, ca sbagghiannu lu difinìu nu funcu, ca criscìa ntâ supirfici chiana dû scogghiu. Sta chianta dû ciàuru fitusu vinni ritinutu ca avìa pruprità midicinali e li Cavaleri la addupiràvanu comu n'emostàticu pi curari li firiti e comu nu rimediu pâ dissintirìa.
Era accussì prizziusa ca spissu vinni prisintata comu rialu pristiggiusu ê nòbbili distinti e macari ê visitatura di l'ìsuli maltisi. Lu Granni Maistru Manuel Pinto de Fonseca vietau l'accessu ô scogghiu ntô 1746 (li trasgrissura vinìanu cunnannati cu nu pirìudu di tri anni ntê priuni dê Cavaleri Uspitaleri), avìa misu nu guardianu pirmanenti e arruvau nzinu a fari custruiri na piriculusa cabbina funiculari ca jiva dû scogghiu a l'ìsula. Cchiù succisivamenti vinni scuprutu ca ddi sforzi avìanu statu nùtili: lu Fucus coccineus melitensis nun havi particulari pruprità midicinali.
Ê nostri jorna, lu Fungus Rock è na riserva naturali ma la plaja ô quantu è accissìbbili a chiddi ca si fannu li bagni e lu mari è pirfettu ppi li mmirsioni.