Lu cummattimentu di Hastings abbinìu lu 14 di uttùviru, 1066 a circa 13 km di Hastings, tra l'asèrcitu di Aroldu II, re di l'Anglusassuna, e chiddu di Gugghiermu lu Cunquistaturi (chi poi addiventa Gugghiermu I di Ngriterra), duca di Nurmannìa comu Gugghiermu II. Luttaru pû cuntrollu dâ Ngriterra.
A ddu tempu la Ngriterra suffrìu l'attacchi dî Vichinghi chi spissu cci fìciru smaccu ê paisi apressu la costa ngrisa. Lu duca di Nurmannìa s'apprufittau dû fattu chi Aroldu II stava luttannu contra l'esercitu dû re vichingu Harald III di Norveggia nord di l'ìsula. L'asèrcitu di Gugghiermu era furmatu suprattuttu dâ cavallarìa e cu sta furtuna, àppiru abbastanti tempu pi traspurtari tutti quanti dâ Francia nnâ Ngriterra.
Quannu Gugghiermu si sbarcau supra la terra ngrisa n'asèrcitu ngrisi appi a jiri ô sud sùbbutu p'affruntàricci. Lu cummattimentu chî norviggisi cuntinuava, dunca st'armata nun rapprisintau chidda cchiù forti, e sparti di chissu, àppi a viaggiari na granni distanza prima d'arrivari unni li nurmanni s'attruvàvanu.
Pû fattu ca lu cummattimentu durau pi tanti uri, era naturali ca nfini li nurmanni cci pigghiaru lu megghiu. Duranti lu scontru Aroldu murìu (cu na fileccia nta lu sò occhiu), e Gugghiermu addivintau lu re dâ Ngriterra cû nomu di Gugghiermu I, rapprisintannu la fini dû regnu di l'Anglusassuna ntâ Ngriterra.