|
|
« E li to figghi sempri t'amaru puru si sunnu alla strania cantanu sempri "Isula mia". »
|
|
|
(Benitu Merlinu)
|
Benitu Merlinu (o Benito Merlino n talianu) è nu cantanti sicilianu di Filicudi (ME).
Lu scritturi e cantanti nasci a Filicudi nta l'Ìsuli Eoli. Nta l'anni '60, arriva a Pariggi, unni canta nta li tiatri e li cabarè. Appoi travagghia cu Aytahualpa Yupanqui, Lanza del Vasto e Ugo Ronfani.
Auturi-cumpusituri, Benito Merlino arriggistrau cchiù di trenta disca. E' macari un puparu, e rializzau pi lu canali televisivu francisi France 2, ne seri televisiva, "Les Paladins de France" (Li Palatini di Francia).
Iddu traduci puru li libbra d'autura taliani ô francisi pi l'Edizzioni Christian Bourgois comu chiddi di Pino Cacucci cu lu quali nascìu n'amicizzia spuntània e mmidiata, appena si canusceru.
Àncilu Merlinu, puru iddu musicista e cantanti, è lu frati di Benito Merlino.
- Amore e Rivolta (1995). Li canzuni 'n sicilianu: Chianci Palermu, Lu Casu Amaru, L' Amuri è Vita, La Scura Sira, Simuli Scantu, Signuri Patri, Chiudu la Scena, Tinta Dda Donna, Su' Chiusi Li Finestri, Vaju Di Notti, Pi Sconciurari U Focu, Dialogu, L' Alivu Saracenu, Nun Ristau Mancu un Filu d'Erba, La Valli Dilli Munca, Lipari, e Il Processo.
- D'oro e di Sangue (1997). Li canzuni 'n sicilianu: Vola Vola la Palumma, Petra Diamanti, Luna Janca, Pi Troppu Fidilata Porti Curuna, Tri Liuni Tri Farcuni, Vu Cumpra, e Cumu a Na Bannera.
- Histoires et Légendes de Sicile - Lettres d'amour et de haine (2002). Li canzuni 'n sicilianu: E Tu Figghiu Miu, Dumani Partirò, Supplica, Li Tri Pentimenti d'Orlando, Luntanu Dillu Portu, A Crozza, Li Vespiri, Cantu d'Ammuri d'U Lazzarettu, Roncisvalle, La Palummedda Ianca, Supplica d'Una Matri O Signuri Dillu Chianiconti, Cavaddu Marinu, E Ppi Tri Voti Sona Lu Vapuri, Patruni Miu, Muri Di Brunzu, U Confinatu, e Bafé Biscotte E Miné.
- L'isola blu (2004). Li canzuni 'n sicilianu: Benedictus, Credo, Mai Piú... Mai Piú, Redu la Porta, Tradimentu, Iava Maria, Gesú-Cristu, Terra Promisa, Dicia un Cantu Anticu, e Stromboli Alantomu.
- Chants de Sicile & des îles Eoliennes - vol. 1 (2005). Li canzuni 'n sicilianu: Ballata Di Don Giovanni, Mattanza, Cavalieri Di Bretagna, Fila fila Bedda Mia, Botta Pi Botta, Amici Amici, Vannazzu a Lu Burattu, Bedda Dillu Scuogghiu, e Vota E Giria.
- Chants de Sicile & des îles Eoliennes - vol. 2 - Mare nostrum (2005). Li canzuni 'n sicilianu: Untru, Oè Nicô, U Sangu du Vulcanu, e Li Turchi a la Marina.