Articulu in nugoresu
Sa tziviltàde nuraghèsa o nuràgica fit naschia in Sardigna e abbràtzat unu tempus chi àndat dae s'edàde de Brùnzu a su sèculu de II p.C., comomài in epoca de appoderamèntu romanu chi at jùttu sa tziviltade nuraghesa a si nche rùgher, in belle totu s'ìsula, e a su sèculu de VI p.C. in Barbàgia[1][2][3].
Custa tziviltade sarda dèpet su nomine suo a sos nuràches, sas tùrres chi fàchent s'isula tantu fentomàda pèri su mundu e sunt gàlu testimonia de s'isvilùpu in cussa epoca tuccànde dae ateras tziviltades chi bi aìat prìma, nòdias pro sos monumentos megaliticos, comente a sos dolmen, e menhir.
Sos nuràghes sunt tèntos in cunsideru comente sos monumentos megaliticos menzus mantèsos in Europa. De s'iscòpu chi serbìant si nde arresònat dae nèssi chìmbe seculos e galu sunt parìtzas sas dimàndas de pònner a cràru: bi at chìe los bìet comente tumbas e lòsas e ateros comènte domo simbolica de zigàntes, ateros galu fortes, o fùrros pro fùnder su metallu, o presònes o tempios pro addiosàre su sole.
![]() |
Istòria de Sardigna |
Preistòria |