Coordinadas: 39°26′30.82″N 9°32′25.53″E / 39.441894°N 9.540424°E
logudoresu · LSC · nugoresu
Santu 'Idu (San Vito in italianu), scritu puru Santuidu[1][2] o Santu Idu[3] o est unu cumunu de 3.895 bividoris de sa Citadi metropolitana de Casteddu in sa regioni stòrica de su Sàrrabus.
Santu 'Idu bessit a campu cumenti a topònimu fàcias a su sèculu XV candu is tres biddixeddas de Òrrea, Cortinia e Bidda de Ùlimus benint acorpadas in una entidadi amministrativa ùnica. Cumenti si podit cumprendi su nòmini pigat dae cussu de su santu patronu, venerau in sa zona giai dae is primus sèculus de sa cristianidadi e difatis arremonau in una lìtera de su papa Gregori su Mannu de su 591 innui si chistionat de unu cunventu dedicau a Santu Vitu in su Sàrrabus. Ma a livellu linguìsticu su nòmini de bidda diferit dae cussu de su santu, su topònimu at tentu unu betacismu in sa mudadura dae su latinu a su sardu Sanctus Vitus > Santu Bidu e po efetu de sa derruta de sa /b/ intervocàlica sonat Santu 'Idu. Su nòmini de su santu invècias benit pronunciau poderendi sa /v/ originali, seguramenti arrastu de sa custumàntzia de imperai su latinu in ambitu religiosu (cultismu), candu invècias si nomenat una personi sa /v/ si custumat a furriai a /f/ (Fitu).
|