Cun su faeddu Istados de Terramanna si bolent indittare, in sos segulos chi andant dae su de XVIII a su de XIX, cussos entes chi sa corona piemontesa de Savoia, tando a cuntrollu de sa Sardìnnia, retzìat. Custos, peròe, fint a diversu dae su Regnu de Sardìnnia propiamente nadu, ca fint postos in su continente europeu (sa "Terramanna").

Sos istados de Terramanna fint:

• Su ducadu de Savoia.
• Su printzipadu de Piemonte, chi lu cumponìant:
  • Su marchesadu de Salutzo;
  • Su marchesadu de Monferrato;
  • Su marchesadu de Susa;
  • Atteros minores puru.
• Su ducadu de Genova (dae su 1814 in susu), est a nàrrer sa ex-Republica de Genova;
• Sa contea de Nitza;
• Sos feudos imperiales de s'Apenninu ligurinu.