Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Gaetano Cima (Casteddu, 1805 – Casteddu, 1878) est istadu un'architetu italianu.

Est arrenomàu chi unu de is prus mannus architetus in Sardigna. Is òperas suas, in stili neoclàssicu, s'agatant in dogna parti de s'Ìsula.

Gaetano Cima est nàsciu in Casteddu in su 1805 de famìllia benistanti. Iat incumenciau is stùdius a primu in Torinu e a pustis in s'Acadèmia de is Bellas Artis de Roma, auba at tentu po maistrus peri su Canina e su Poletti. Acabaus is studius, at traballau po su Geniu Civili, in segus (in su 1837), pro divergèntzias cun sa diretzioni de su circondàriu de Sardigna, est divènniu diretori de s'Ofìtziu Tècnicu de su cabu de logu sardu. A pustis s'est donau a sa libera professioni e a s'ammaistramentu in s'Universidadi de sa citadi sua, chi at praticau de su 1840 fincias casi a sa morti, acàdia in Casteddu in su 1878.

• Uspidali San Giovanni di Dio in Casteddu, si considerat s'òpera prus importanti de Cima. Edifìtziu a su tempus suu modernu meda, est istètiu edificau tra is annus '40 e '50 de su XIX sèculu.
• Villa Aymerich in Laconi
• Villa Santa Maria in Pula
• Villa Pitzalis in Tuili
• Casino Tola in Santu Sperau
• Palazzo Corrias Carta in Aristanis
• Teatru Civicu de Casteddu, rielaboratzioni de su progetu de s'architetu Giuseppe Cominotti de su 1831-1832
• Palazzo Piroddi in Lanusèi

• Crèsia de Santa Maria Assunta, parrochiali de Guasila, edificada tra su 1840 e su 1852
• Seu de s'immaculada in Othieri
• Crèsia de Santu Franciscu in Aristanis
• Fatzada de sa Cresia Collegiada de San Giacomo in Casteddu
• Crèsia de Nostra Sennora de Pauli in Burcei, edificada de su progetu de Cima in su 1886
• Campanili destru de sa Conseu de Terraba, fatu de su progetu de Cima in su 1840.

• Salvatore Naitza. Architettura dal tardo '600 al classicismo purista . Casteddu, Ilisso, 1992. ISBN 88-85098-20-7

• Casteddu
• Architetura neoclassica