campidanesu · logudoresu · nugoresu
Un'etnia - dae su gregu clàssicu: έθνος ethnos, ‘pòpulu’ o ‘natzione’ -[1] est un'imparis de persones chi s'identìficant cun una matessi comunidade linguìstica, culturale, etz.[2][3] In su Ditzionàriu Unisversale Rubattu est tradùsidu intre àteros comente "ereu", "genia", "casta".[4]
Sa pertenèntzia ètnica si tendet a definire comente un'erèntzia culturale cumpartzida, ereu, mitu de orìgine, istòria, pàtria, limba o dialetu, sistemas simbòlicos comente religione, mitologia e rituales, coghina, istile de bestire, arte o aparèntzia fìsica. Is grupos ètnicos podent cumpartzire unu sùrvile istrintu o ampru de partimòniu genèticu, segundu s'identificatzione de su grupu, e grupos medas tenent patrimòniu genèticu ammisturadu.[5]
Su cuntzetu de etnia est in die de oe tentu in cunsideru pro definire is sotziedades umanas, sende chi no ispricat bene sa realidade empìrica, a sa matessi manera chi acadesset cun su cuntzetu de ratza aplicada in èsseres umanos.[6] De su restu, no est possìbile dislindare de manera nida e obietiva grupos umanos subra sa base de critèrios ètnicos, giai chi in realidade esistet una retza de caraterìsticas culturales trobeddadas.[7]
Controllu de autoridade | BNF (FR) cb11939090f (data) · GND (DE) 4153095-0 · LCCN (EN) sh85045172 · NARA 10638635 · NDL (EN, JA) 00567696 · NKC (EN, CS) ph1190981 |
---|