campidanesu · logudoresu · nugoresu
S'eterosessualidade est s'atraida romàntica, atraida sessuale o cumportamentu sessuale intre persones de sessu diferente.[1][2][3][4][5] In calidade de orientamentu sessuale, s'eterosessualidade est unu modellu de dura de relatziones emotivas o eròticas cun indivìduos de su sessu opostu. Si referit fintzas a su sentidu de identidade de una persone fundadu supra custas atraidas, sa pertenèntzia in una comunidade e cumportamentos relatzionados de persones chi cumpartzint custas atraidas.[6] S'eterosessualidade si caraterizat pro unu cumportamentu «esclusivamente eterosessuale» segundu s'iscala de Kinsey e, paris a sa bisessualidade e s'omosessualidade, est una de is tres categorias printzipales de s'orientamentu sessuale a intro de su contìnuu eterosessuale-omosessuale.[7] Is trèmenes eterosessuale o eterosessualidade s'aplicant pro s'in prus a sos èsseres umanos, ma sa conduta eterosessuale s'osservat in totu is mammìferos e in àteros animales chi manifestant unu dismorfismu sessuale marcadu e una diferentziatzione sessuale dislindada.
![]() |
Wikimedia Commons tenet files chi ligant a: Eterosessualidade |