L'ISO 3166 ète 'na codifiche sciugrafiche standardizzete divise jndrìà 3 stuezze pe codificà le nome de le state, de le territorie dipendende e de le prengepàle suddivisiune amministrative de le paise, pubblicate 'a prima vote jndr'à 'u 1974 da l'Organizzazione 'Ndernazionale pe le Standardizzazione (ISO). 'U nome uffisciele ète Codes for the representation of names of countries and their subdivisions (Codece p'a rappresentazione de le nome de le paise e de le loro suddivisiune).

'U stàndàrd ISO 3166 jè mandenute da l''ISO 3166 Maintenance Agency (ISO 3166/MA) (Agenzie pe l'aggiurnamende de l'ISO 3166-1), ca ste addò se jacchje l'ufficie cendrele ISO a Ginevra in Svizzera. Quanne ha state crjete l'ufficie stave da Deutsches Institut für Normung (DIN) a Berlino in Germanie.

Dopo 'a prima pubblicazione d'u 1974, l'ISO 3166 ha state cangete 'nu sacche de vote jndr'à l'anne, cu l'assute de 'nu sacche de ediziune successive.

'U stàndàrd jè divise jndr'à 3 stuezze:

• ISO 3166-1, Stuezze 1: Codece d'u paise, avène ausate pe definì le codece de le State e de le territorie. L'ISO 3166 cumbrenne codece 'fabbetece e numerece pe ogne paise e territorie, seguenne sta suddivisione::
  • ISO 3166-1 alpha-2 – codece d'u paise comboste da doje lettere (p'esembie ausate pe le dominie de prime livelle pe Indernette)
  • ISO 3166-1 alpha-3 – codece d'u paise comboste da ttre lettere
  • ISO 3166-1 numereche – codece d'u paise composti da ttre numere

• ISO 3166-2, Stuezze 2: Codece de le suddivisiune d'u paise, avène ausate pe definì le codece pe le suddivisiune prengepàle de 'nu paise o territorie dipendende.

• ISO 3166-3, Stuezze 3: Codece vicchje pe le paise ausate apprime, avène ausate pe definì le codece pe le state e le territorie andiche.

• ISO 639 (codece pe le lènghe)
• ISO 4217 (codece pe le valute)
• Liste de le codece naziunale d'u CIO
• Liste de le codece naziunele d'a FIFA
• Combronde de le codece paise ausate da CIO, FIFA e ISO 3166

• Da 'u site ISO:
  • ISO 3166 Maintenance Agency
  • Sviluppe de l'ISO 3166
  • Liste de le codece ISO 3166
• Statois - Codece paise
• CIA - Combronde 'mbrà FIPS 10, ISO 3166 e STANAG-1059