renasementu

Lokalisá na	Oropa
Presedí pa	Gothic art, Edad Media, Late Middle Ages
Siguí pa	Baroque, Edad Moderno
Fecha inisial	14. century
Fecha final	17. century
Studiá pa	Renaissance studies

Renasementu (na franses e ta nifika literalmente: nase di nobo) ta un era den historia kultural oropeo ku a sigui despues di Edat Media i ku a termina den siglo diesshete. Renasementu a kuminsá na Italia na fin di e tempo medieval den e siglo dieskuater komo un moveshon kultural i a plama den e siglonan ku a sigui pa gran parti di Oropa.

Durante e periodo aki, tabatin un re-nasementu di enseñansa klásiko. Hende a kuminsá siña e teorianan di e eruditonan di Gresia, Roma i otro siudatnan antiguo. Hopi biaha ta bisa ku e Renasementu ta e komienso di e "era moderno".

Durante e Renasementu, tabatin hopi progreso den arte, literatura, siensia, matemátika i kultura. Hopi artista, eskritor, filósofo i sientífiko famoso a biba durante e periodo aki. Tin biaha ta yama un persona ku ta inteligente riba un gran kantidat di tereno un "hòmber di Renasementu". E hòmber mas famoso di e époka di Renasementu ta Leonardo da Vinci, ku tabata pintor, sientífiko, músiko i filósofo.

Den siglo diesnuebe e término tambe a drenta den sirkulashon komo konsepto di un époka históriko.

Mira tambe

• Nacimento di Venus di Botticelli
• Literatura spaño di Renasementu

Bibliografia

• Ilan Rachum, The Renaissance: an Illustrated Encyclopedia, Octopus, ISBN 0-7064-0857-8
• Edmond Wright, Ed., The Medieval and Renaissance World, Chartwell Books, Inc. ISBN 0-89009-264-8
• Margaret Aston, The Fifteenth Century, Tames And Hudson, ISBN 0-500-33009-3
• Denys Hay & John Law, Italy in the Age of the Renaissance, Longman, ISBN 0-582-48358-1))
• John T. Paoletti & Gary M. Radke, Art in Renaissance Italy, Laurence King Publishing, (2005), ISBN 1-85669-439-9

Mira tambe e kategoria Renasementu di Wikimedia Commons pa mas dato mediatiko tokante di e tema aki.