Pueblo Soberano
PS
Imagen desea: Pueblo Soberano
Personanan
Presidente di  partido	Sigfried Victorina
Lider di partido	Ben Whiteman
Fundadó	Helmin Wiels Harold Willems
Asiento
Parlamento di Kòrsou	1 / 21 (28 di aprel 2017)
	0 / 21 (19 di mart 2021)
Historia
Fundashon	1 di aprel 2005
Informacion basico
Aktivo na	Kòrsou
Sede	Willemstad
Ideologia polítiko	separatismo, progresivismo
Koló	■ krema
Wèpsait ofisial

Pueblo Soberano (PS) ta un partido politiko na Kòrsou. Meta di e partido ta pa logra independensia pa e isla Kòrsou pafo di Reino Hulandes. Despues di elekshon pa Parlamento di Kòrsou na 2012 e partido a keda esun mas grandi te 2016.^[1][2] Entre 2017 i 2021 e partido tabatin un asiento i despues di esei e no tabata representa mas den parlamento.

Lider di Pueblo Soberano tabata Helmin Wiels (1958-2013), kende huntu ku Harold Willems a funda e partido na 2005.^[3] E ta originá for di e organisashon di Helmin Wiels, Movementu Aliansa Sivil. Esaki tabatin komo meta pa, mediante un programa di televishon na kanal 24 i un programa radial riba Hit FM, alkansa e parti mas grandi di e poblashon di Kòrsou i informa nan di e supuesto malmaneho di e gobièrnu na mando bou partido Partido Alternativa Real. E tabata trata en partikular di praktikanan di korupshon i malversashon denter di korporashonnan estatal.^[4]

E partido a posishoná su mes komo uno progresista ku ta lucha pa independensia di Kòrsou, pafó di Reino Hulandes. Otro posishonnan ta inkluí abolishon di hulandes den atministrashon públiko i enseñansa na fabor di papiamentu promé i ingles i spañó, idiomanan importante den e region.^[3]

For di 2007, PS tabata representá den Konseho Insular di Kòrsou, inisialmente ku 1 asiento. Tabatin koperashon den e "Aliansa Patriótiko" (ku partidonan MAN, FK, NPA i PLKP). E grupo di oposishon aki a oponé fuertemente kontra e akuerdonan ku Hulanda tokante disolushon di Antia Hulandes, i kontra supervishon finansiero di un komishon di reino.

E último Konseho Insular a keda eligí na ougùstùs 2010, kual for di 10 di òktober a bira e promé Parlamento di Kòrsou. PS a bay di 1 pa 4 asiento. Wiels a drenta un koalishon ku partidonan MFK di Gerrit Schotte i MAN di Charles Cooper. E gabinete Schotte a kuminsá ku un leshi limpi, pasobra Hulanda a eliminá su debenan bieu ora e isla a bira outónomo.

E promé kos ku e koalishon a hasi tabata bai di akuerdo ku e leinan di gobièrnu di konsenso. E siguiente dos añanan tabata marca pa intimidashon, nepotismo y mal maneho finansiero. Altu amtenarnan, direktornan di kompanianan gubernamental i e rektor di e universidat a wòrdu poni un banda, usando ‘rapportnan’ trahá pa un accountant kende despues a haña un reprimanda di NIVRA. Na mes momentou, miembronan di famia i partido a wòrdu nombrá na puestonan krusial. E punto kulminante tabata e intenshon pa nombra un hende di e mundo di kasino komo presidente di banko sentral i kartanan ku e PS Minister di Husticia a skirbi gobièrnu Merikano den e kaso rond di e beslag riba kuentanan bankario ilegal di un hefe di loteria di Kòrsou. Mal maneho finansiero a kondusí na e posishon di salida saludabel riba 10 di òktober 2010 ku a bira un di défisitnan ku ta oumentá kada bes. Despues di kasi dos aña, a akumulá un debe nobo enorme, di manera ku gobièrnu di Reino a impone un instrukshon riba Kòrsou. Ora ku MAN a bandoná e koalishon pa oposishon na sèptèmber, e gobièrnu a kai. Ivar Asjes, presidente di parlamento i di dos na mando di Pueblo Soberano, a purba di silensiá parlamento, pero intervenshon di gobernador a stroba esaki i a yama elekshonnan nobo. Wiels awor a laga Schotte bai i a dirigí su mes pa un koalishon nobo. El a dediká seis luna pa e negosiashonnan, i a nombra Daniel Hodge komo lider di un zakenkabinet durante e periodo ei.

Na 2015, despues di e fayesementu di Helmin Wiels, Jaime Córdoba a keda elegí komo lider di partido.^[5] Desde 2018 el a wòrdu sigui pa Ben Whiteman.^[6] Dia 17 di desèmber 2020, poko promé ku elekshon di 2021, el a bandoná e partido. Ku esaki, PS a pèrdè su representashon den parlamento.^[7]