- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Percy Irausquin
| Pais di nashonalidat | Reino Hulandes  |
|---|---|
| Nòmber di dilanti | Percy |
| Fecha di nasementu | 26 yüni 1969 |
| Lugá di nasementu | Oranjestad |
| Fecha di fayesimentu | 14 ougùstùs 2008 |
| Lugá di fayesimentu | Amsterdam |
| Okupashon | diseñador di moda |
| A studia na | Gerrit Rietveld Academie, ArtEZ Arnhem |
| Distinshon | Frans Molenaar-prijs |
| Wèpsait ofisial | http://www.percyirausquin.com |
| Status pa derecho di autor como creador | obra protehi pa derecho di autor |
Joseph Gregory Percy Irausquin (n. 25 di juni 1969 na Aruba - f. 14 di augustus 2008 na Amsterdam) tabata un diseñador di moda y modista Arubiano basa na Amsterdam.[1] Media Hulandes tabata describie como un di e diseñadornan hoben mas talentoso na Hulanda.[2] E corant nacional Hulandes De Volkskrant a describi su diseñonan como “sexy y extravagante” y “na moda pero no exigente”.[3]
Na e edad di 39 aña Irausquin ta sufri un derame cerebral na su cas na Amsterdam y ta fayece. Su restonan ta dera na Sabana Basora riba su isla natal.[4]
Coleccion y Premio
[editá | editá fuente]- 2001-Inspiration Amoureuse. Su prome coleccion pa cual su rumannan muhe tabata su fuente di inspiracion. E ta gana e premio Frans Molenaar y ta sali un di e cuater finalistanan di e premio cu jury profesional pa e Robijn Fashion Award[5].
- 2002-Bacchanal Chique. Su proyecto final durante su estudio na Fashion Institute Arnhem (ArtEZ).
- 2003-Edmee Enbias, un coleccion ta carga nomber di su wela. 'En bias', corta scuins riba e hilo di e tela, ta e nomber di e tecnica cu a bira su marca comercial den transcurso di aña.
- 2004-Hiver Palm Beach, su prome coleccion prêt-à-porter.
- 2005-All dressed up and nowhere to go y Belle du Jour. Na 2005 e ta duna su prome solo-show durante e Amsterdam International Fashion Week.
- 2006-Supernova y Tapis Rouge.
- 2007-Suzy Parker y Raison d'être, cu e coleccionnan aki ta ta lansa e nomber Atelier PRC[6], durante e show na e misa De Duif na Amsterdam[7].
- 2008-Il etait une fois, exhibi na Teatro Tuschinski na Amsterdam, y na juli e coleccion di prêt-à-porter Full Bloom, inspira riba flor, ta wordo exhibi durante e Amsterdam International Fashion Week.
Referensia
|