Supkategoria di | head of mission, plenipotentiary |
---|---|
Organization directed by the office or position | legation |
Female form of label | ministra plenipotenciària, وزيرة مفوضة, pooblaščena ministrica |
E termino minister plenipotenciario por tin diferente nificacion. Den derecho internacional un minister plenipotenciario o embahador extraordinario ta un diplomatico, cu ta mas bien un empleado publico. Su rango ta net bao di esun di embahador.
Historicamente e contacto oficial entre e gobierno di Hulanda y e islanan di Antias Hulandes tabata core pa medio di e gobernador. Na 1947 ta introduci e puesto di representante oficial di Antias Hulandes na Den Haag. Antias su prome representante tabata Moises Frumencio da Costa Gomez. E puesto aki a desaroya despues den e funcion di minister plenipotenciario y a bira ofisial den Reino Hulandes desde 1954, ora a regla e relacionnan entre e paisnan di reino den Statuut pa e Reino Hulandes.
Tin o tabatin e siguiente funcionnan di minister plenipotenciario pa:
E minister plenipotenciario ta actua como representante di su respectivo pais na Den Haag, sede di gobierno di Hulanda. E ta forma parti di e Conseho di Minister di Reino, sinembargo no ta forma parti di Conseho di Minister di su respectivo pais. Esaki ta debi cu un minister plenipotenciario no ta un "minister" igual na otro minister como e no ta responsibilisa na parlamento, sino ta raporta directamente na minister-presidente di su respectivo pais. Si ta necesario por invita e minister plenipotenciario pa atende reunion di Conseho di Minister.
Den curso di tempo Antias Hulandes, Aruba y Corsou tambe a cuminza staciona representante, cu e titulo di minister plenipotenciario, na e embahada di reino na Merca, Venezuela y na Union Oropeo. E ministro plenipotenciario aki ta representa exclusivamente e interesnan di su respectivo pais. Actualmente tanto Aruba como Corsou tin un representante na Washington D.C. Sint Maarten no tin minister plenipotenciario na Washington.
Referensia
|