Mervin Wyatt-Ras
Mervin Wyatt-Ras na 2021
Informacion basico
Nomber completo	Mervin Glorinda Wyatt-Ras
Nacemento	20 di october 1961 Aruba
Pais	Aruba
Funcion actual	Miembro di Parlamento di Aruba
Desde	20 di october 2001
Partido	Movimiento Electoral di Pueblo (2001-2011) Partido di Pueblo Arubano (2013-presente)
Titulo	drs.
Funcion
2005-2009	Presidente di Parlamento di Aruba
2016-2017	Presidente di Parlamento di Aruba

Mervin Glorinda Wyatt-Ras (☆ 20 di october 1961) ta un politico Arubiano y miembro di Parlamento di Aruba. El a sirbi na dos ocacion como presidente di parlamento y na aña 2021 tabata e parlamentario cu a sinta mas largo den parlamento.

Wyatt a lanta den e bario di Savaneta. Entre 1980 y 1988 el a studia ortopedagogia na Universidad di Groningen. Den su tempo di studiante e tabata co-fundador di e organisacion di studiante Arubiano “Grupo Aruba” (1986), e grupo di hende muhe Arubiano “COMER” y Intercultureel Vrouwenoverleg Noord-Nederland, afdeling Groningen "IVONNE" (1987).

Na momento cu el’a regresa Aruba, el’a traha 12 aña na Departamento di Asuntonan Social, unda el’a brinda asistencia psicosocial y terapia na muchanan, hobennan y nan sernan keri for di e departamento di Dificultadnan di Bida y Famia. El a participa den varios comision oficial, incluyendo e comision di Derechonan Humano, e comishon Buro Dokter di Confiansa y e comision di Abuso di Mucha, y tambe tabata activamente enbolbí den cursonan di entrenamento pa trahadonan di bienestar y docentenan.

Wyatt a bira politicamente activo na 2001. Den e eleccionnan e aña ey el’a adkiri un asiento den Parlamento di Aruba. El’a retene su asiento den tur eleccion cu a sigui; despues di e ultimo eleccion na 2021 Wyatt tabata e parlamentario cu mas largo a sirbi den parlamento.

E tabel aki bou ta mustra e resultadonan di su participacion den eleccionnan parlamentario entre 2001 y 2021.

Mervin Wyatt-Ras ta casa cu Trey Wyatt.

• http://www.parlamento.aw