| Sekso o género | femenino  |
|---|---|
| Pais di nashonalidat | Reino Hulandes |
| Nòmber di dilanti | Desiree |
| Fecha di nasementu | 20 òktober 1953 |
| Dominio di idioma | Hulandes, spaño, Papiamentu |
| Okupashon | eskritor, outor di buki di mucha |
| Distinshon | Tapushi Literario |
Desiree Clothilde Correa (n. 23 di oktober 1953 na Aruba) ta un escritora Arubiano di obranan di literatura infantil y hubenil na idioma Hulandes, Papiamento y Spaño.
Correa a nace na Aruba di mayornan Colombiano. El a completa estudio como docente na e Instituto Pedagogico Arubano (IPA). Durante su estudio, Correa a participa den un competencia literario infantil na Caracas, Venezuela, y a gana cu e storia 'Elefina Elefante'. Como premio su storia ta wordo publica como buki y parti na tur scol basico na Caracas.[1] Esaki tabata e prome stap den su carera literario.
Pa mas di 43 aña Correa a traha den enseñansa.[2] Ela cuminsa como maestra di Spaño na e seccion ETAO di Maria College na Oranjestad. Despues ela traha na diferente scol secundario. Varios di su obranan ta forma parti di e curiculo pa diferente materia den scolnan secundario na Aruba. Su obra mas conoci ta Mosa's eiland, cu pa mas di tres decada ta inclui riba e lista di literatura hubenil.[2] Na 1984 Correa ta muda pa Sint Maarten pa traha na Milton Peter College. Bibando riba e isla e ta forma su famia; mas despues e ta opta pa regresa Aruba.
Ademas di su carera como docente, traductor y autor, Correa ta activo den examencommissie y den e Festival di Buki di Mucha organisa pa Biblioteca Nacional Aruba.
E ta mama di Misha Raymond, parlamentario pa e partido RAIZ y sicologo.
Correa ta ricibi e Tapushi di Oro na 2009. Na 2019 e ta wordo condecora como Caballero (Ridder) den Orden di Oranje-Nassau[3]
Fuente, nota i/òf referensia
|