Motto | Education with a Heart (Pamiturung maki Pusu) |
---|---|
Mitátag | 1932 |
Uri | Privadu, Vincentian a universidad |
Pamuntuk | Fr.Gregorio Bañaga, Jr ,CM |
Empleadu | 500 |
Magaral | maygit 22,000 |
Lugal | Ermita, Menila, Filipinas |
Address | 900 San Marcelino St. Ermita, Manila |
Campus | Urban |
Imno | Adamson Hymn |
Kule | Iro (Azul) at Maputi |
Palayo | Adamson Soaring Falcons |
Mascot | Balawe (Falcon) |
Kaugne | ASAIHL |
Website/Karinan-Aptas | www.adamson.edu.ph |
Ing Adamson University (AdU) metung yang universidad a Catolicu king Menila, Filipinas. Mitatag ya kanitang 1932. Kayanib ya king University Athletics Association of the Philippines (UAAP). Uling instituciun yang Catolicu, makisanmetung ya king misiun ning Pisamban a ipabalu ne king mapanyuring paralan ing cultura ning tau at isulung ya ing pangkabilugan a pamanalkus (formation) ning tau. Kapagnasan nang manambag king kayapan ning pamibyebye at king kapadurutnan/kapaligiran. Iti gagawan na kapamilatan ning pamanyaliksik at pamanyuyu king pamalenan (community services).
Mitatag ya ing Adamson University kanitang 1932, kapamilatan da ri Dr. George Lucas Adamson ampo reng kayang pisan, di Alexander Adamson ampo i George Athos Adamson. Adamson School of Industrial Chemistry ing lagyu na kanita.
Anyang mumuna, deng pamangaylangan na king pamisulung ning Filipinas ing dininan dang pansin, particular king ciencia at chemical technology. Gewa neng universidad kanitang Febrero 5, 1941 ning Departamentu ning Pamituru.
Kanitang Diciembre 4, 1964, miyalis ing pamanibala ning universidad kareng Paring Vincentian (Padres Paules) ning Congregation of the Mission (CM), at miyanib ya king Adamson Ozanam Education Institutions, Inc.
Ngeni, maki programa ya ing Adamson University king graduate education, abogasya, alit at ciencia, engineering, nursing, pharmacy, architecture, business administation, pamanyane kareng talaturu (teacher education), ampong pamanurung segundaria, elementaria at preparatory.
Ketang Febrero 2007, pigmasusian ne ning Adamson University ing kapitumpulu't limang (75) banwa ning kayang pamitatag. Dakal a actividad ing misadya para kareng magaral uli ning kayang Diamond Jubilee Celebration.
Mibait ya i San Vicente kareng kalulung pengari king Pouy king Gascony, Francia kanitang manga 1580. Minuna yang megaral king lalam da reng Paring Franciscanu king Acqs. Uli ning kayang pamisulung kilub ning apat a banwa, pinili neng maging subpreceptor kareng kayang anak ning metung a taung maki sasabyan. Uli na niti, ikwa nang mekapagaral a e meging pabayat kareng kayang pengari. Ketang 1596, megaral yang theological studies king Universidad ning Toulouse, nung nu ya me-ordina antimong pari kanitang 1600. Mepatad ya inawa ing tuturing dang "Apostol ning Lugud" (Apostle of Charity), i San Vicente de Paul, king edad a ochenta. Keng Setiembre 27 ing kayang fiesta. I San Vicente ing patron da reng aguman a sasaup kareng mangaylangan (charitable societies).
GRADUATE SCHOOL
• Supervision & Administration • Computer Aided Instruction
• Pastoral Ministry and Renewal • Dogmatic Pastoral Theology • Pastoral Studies and Religious Education
COLLEGE OF LAW
COLLEGE OF ARCHITECTURE
COLLEGE OF BUSINESS ADMINISTRATION
• Banking & Finance • Management • Marketing
• Office Management • Computer Education •Two-year Computer Secretarial Course
COLLEGE OF EDUCATION
• Computer Technology Education • Physical Education • Religious Education • English • Social Studies
• Computer Technology Education • Physical Education • Religious Education • English • Social Studies
COLLEGE OF ENGINEERING
The only University in the Philippines offering a course to prepare high level technician for industries, manufacturing: Whitewares, Tile, Glass, Enamels, Cement, Limes, and Plasters, Refractories, Structural Clay Products, Insulations, etc. Ya kabud makiyampang a cursu ba lang magsadya reng technician para king industria, at gagawang Whitewares, Tile, Glass, Enamels, Cement, Limes, and Plasters, Refractories, Structural Clay Products, Insulations, etc.
COLLEGE OF LIBERAL ARTS
• Economics • Mass Communication • Philosophy • Political Science
COLLEGE OF PHARMACY
COLLEGE OF SCIENCES
COLLEGE OF NURSING
NATIONAL SERVICE TRAINING PROGRAM
Ing University Athletics Association of the Philippines Season 69 |
Seniors: Adamson Soaring Falcons | Ateneo Blue Eagles | FEU Tamaraws NU Bulldogs | UE Red Warriors | UP Fighting Maroons | UST Growling Tigers |
Juniors: Adamson Baby Falcons | Ateneo Blue Eaglets | FEU-FERN Baby Tamaraws NU Bullpups | UE Pages | UPIS Junior Maroons | UST Tiger Cubs |
Mesuspindi: De La Salle Green Archers | DLSZ Junior Archers |
Campeonatu | Panaun ning Pyalung (Seasons) |