Tresena Crosada
| |
---|---|
![]() | |
Informacions generalas | |
Data | 1189-1192 |
Luòc | Orient Mejan |
Casus belli | Conquista de la màger part dau Reiaume de Jerusalèm, compres sa capitala, per Saladin |
Cambiaments territorials | Reconquista d'una partida dau Reiaume de Jerusalèm per lei Crosats Mantenement de Jerusalèm dins l'empèri de Saladin |
Eissida | Indecisa |
Belligerants | |
![]()
|
![]() Dinastia Zenguida |
Batalhas | |
Iconium — Acre — Arsuf — Jaffa |
La Tresena Crosada, tanben dicha Crosada dei Rèis, es una crosada que se debanèt de 1189 a 1192. Foguèt una temptativa dei sobeirans principaus de l'Euròpa catolica de reconquistar lei Luòcs Sants d'Orient Mejan ocupats dempuei 1187 per Saladin. Opausèt donc una aliança d'estats catolics compausada dau Reiaume de Jerusalèm, dau Sant Empèri Roman Germanic, dau Reiaume d'Anglatèrra, dau Reiaume de França e dau Reiaume d'Ongria a una coalicion d'estats mediterranèus, musulmans o crestians, compausada dau Sultanat Aiobida de Saladin, dau Sultanat Zenguida, dau Sultanat de Rom, de l'Empèri Bizantin, dau principat bizantin de Chipre[1] e dau Reiaume de Sicília. S'acabèt per un resultat indecís e la signatura d'una patz negociada entre lo rèi d'Anglatèrra Ricard Còr de Leon (1189-1199) e lo sultan aiobida Saladin (1174-1193). D'un caire, lei Crosats reconquistèron una partida dei regions maritimas dau Reiaume de Jerusalèm quasi anientat après la batalha de Hattin en 1187. De l'autre caire, Saladin gardèt lo contraròtle de Jerusalèm mai deguèt autorizar l'intrada de la vila ai romieus crestians.