Seol
서울 | |||||
---|---|---|---|---|---|
De naut en bas, d'esquèrra a drecha: Sungnyemun, lo quartièr de Yeouido, la N Seoul Tower, la catedrala de Myeongdong, Gyeongbokgung, lo Cheonggyecheon traversant la vila. | |||||
| |||||
| |||||
Geografia fisica | |||||
Coordenadas | 37° 34′ N, 126° 59′ E | ||||
Superfícia | 60 552 ha = 605,52 km² | ||||
Geografia politica | |||||
![]() | |||||
![]() | |||||
País | ![]() | ||||
Capitala de Seol | |||||
Hangǔl | 서울특별시 | ||||
Hanja | 서울特別市 | ||||
Geografia umana | |||||
Populacion (2019) |
10 114 373 ab. | ||||
Densitat | 16 704 ab./km² | ||||
Autras informacions | |||||
https://english.seoul.go.kr/ |
Seol (prononciat: /seˈuɫ/; en corean: 서울; en transcripcion actuala: Seoul, /shʌul/ ; en transcripcion anciana: Sŏul) es la capitala de Corèa dau Sud. Sa populacion atenhiá 10 114 373 estatjants (2019) e 26 037 000 estatjants son aglomeracion.[1]
La ciutat es situada aperaquí 50 km au sud de la termiera de la Corèa dau Nòrd, tanben coneguda coma Zona Desmilitarizada Coreana. Seol es una vila vielha, que foguèt la capitala istorica de la dinastia Baekje (18 abC – 660 apC) e de la dinastia Joseon (1392-1910). La ciutat venguèt la capitala de Corèa en 1394, dos ans après l'instauracion de la dinastia Joseon [1]. Designada per l'estatut de ciutat especiala, Seol es administrada directament per lo govèrn nacionau.
Sèti de las pus grandas entrepresas coreanas (las chaebol), coma Samsung, LG e Hyundai, Seol es considerada coma una vila globala. Son nivèl de vida fòrça enauçat e son PIB - lo quatren del mond per una aira urbana après Tòquio, Nòva York e Los Angeles - ne fan un dels principals centres economics del mond. Lo quartièr de Gangnam e la Digital Media City concentran d'entrepresas de novèlas technologias. La vila compta nombroses bastiments d'arquitectura futurista, coma lo Dongdaemun Design Plaza e la futura Lotte Super Tower 123, que deu aténher 555 mètres de naut en 2016 e despassarà la N Seoul Tower.
Importanta destinacion toristica, Seol compta tres monuments classats al patrimòni mondial de l'UNESCO : lo palais de Changdeokgung, lo santuari de Jongmyo e mai d'una tombas reialas de la dinastia Joseon. En rason de sa fòrta densitat de populacion, mai de tres milions de veïculs i son comptabilizats, çò qu'entraina d'encombraments quotidians.