Lo pistolet mitralhaire es una arma de fuòc automatica, situada entre lo pistolet automatic e lo fusiu mitralhaire, qu'utiliza de municions d'armas de ponh. Foguèt inventada en 1915 per l'armada italiana. Gràcias a la poissança febla d'aquelei municions, es generalament una arma leugiera e compacta fòrça eficaça a portada febla (de 5 a 50 m). Dempuei l'aparicion dau fusiu d'assaut, son utilizacion a declinat au sen deis unitats militaras destinadas au combat. Pasmens, es totjorn fòrça frequenta dins lei fòrças de polícia, dins la lucha anti-terrorista, dins la proteccion raprochada ò au sen dei personaus militars (oficièrs, equipatges de veïculs, artilhaires... etc.) qu'an besonh d'una arma per se defendre còntra l'infantariá sensa s'encombrar d'una arma d'assaut pesuca.
Fotografia d'un MP18 alemand que foguèt lo premier pistolet mitralhaire utilizat en quantitat importanta.
Fotografia d'un MP40 alemand que foguèt fòrça utilizat dins lo corrent de la Segonda Guèrra Mondiala.
Fotografia d'un PPSh-41 sovietic, autre pistolet mitralhaire fòrça utilizat dins lo corrent de la Segonda Guèrra Mondiala.
Fotografia d'un MP5 alemand qu'es un dei pistolets mitralhaires pus produchs dempuei la Segonda Guèrra Mondiala.
Fotografia d'un P90 bèlga qu'es un pistolet mitralhaire modèrne inicialament destinat ais equipatges de veïculs militars.
