L’industria quimica es lo sector industriau que son activitat consistís a fabricar de produchs per lo mejan de sintèsis quimicas contrarotladas. Sei brancas principalas son la petroquimia, la quimia fitosanitària, l'industria farmaceutica, la fabricacion de polimèrs, la fabricacion de pinturas e l'oleoquimia. Es una industria de tipe procès. Es tradicionalament devesida en tres brancas principalas que son la quimia de basa (ò quimia pesuca) que produtz de moleculas simplas en quantitats importantas, la quimia fina (ò quimia d'especialitat) que produtz de compausats complèxs a partir de substàncias simplas e la quimia farmaceutica que produtz de medicaments.