Reina del disco
Gloria Fowles | |||
---|---|---|---|
![]() | |||
Gloria Gaynor en 2003
| |||
Naissença | 7 de setembre de 1943 | ||
Genre(s) | disco | ||
Annadas activas | 1965–present | ||
Labèl(s) | MGM (1965–76) Polydor (1976–83) Chrysalis (1984–85) Stylus (1986–88) Hot Productions (1996–97) Logic (2000–04) Radikal (2005–Present) | ||
Site Web | http://www.gloriagaynor.com/ | ||
Entoratge | Soul Satisfiers, Marvin Gaye, Luther Vandross | ||
Identificants | |||
|
Gloria Gaynor, de nom vertadièr Gloria Fowles, es une cantaira estatsuniana, nascuda lo 7 de setembre de 1943. Es subretot coneguda pels seus títols disco que lo celebre I Will Survive.
Gaynor foguèt una cantaira amb las Soul Satisfiers[1], un grop de jazz/pop, vèrs 1971. Son primier single foguèt She'll Be Sorry/Let Me Go Baby (1965)[2].
Son primièr succés vertadièr data de 1975 amb la sortida de son album Never Can Say Goodbye, que la faguèt venir coma una artista disco. La primièra fàcia d'aquel album foguèt compausada de tres cançons disco (Honey Bee, Never Can Say Goodbye e Reach Out, I'll Be There), sens pausa entre las cançons. Aquel maraton de dança de 19 minutas venguèt fòrça popular, subretot dins las discotècas. Las tres cançons sortiguèron en versions separadas adaptadas per la radio, e totas venguèron al vam. Aquel album contribuguèt a introduire la musica disco al public. Gloria Gaynor foguèt la primièra artista a enregistrar lo seu pròpi disc de disco. Son títol, Never Can Say Goodbye, foguèt lo primièr a capitar lo suc del hit-parade danse del Billboard magazine. Capitalizant sul vam del seu primièr album, Gloria Gaynor lèu sortiguèt son segon album, Experience Gloria Gaynor, mai tard aquel meteis an. Pasmens qu'aquel album foguèt una reüssita, aguèt pas la popularitat del precedent dins lo grand public.
De singles mens coneguts coma Honey Bee (1974), Casanova Brown (1975), e Let's Make A Deal (1976) - venguèron de succés dins las discotècas e capitèron lo Top 5 dels hit-parades de la disco Billboard. Aprèp son album de 1976, I've Got You, Gaynor prenguèt de disténcias de son equipa de produccion per trabalhar amb d'autres. Pasmens que sembla qu'èra lo melhor de far, los seus productor seguents pareguèron d'en primièr pas correspondre perfèctament plan a l'apròcha vocala de Gaynor e a son estil.