La Crompa Gadsden (Gadsden Purchase en anglés) designa l'aquisicion en 1853 per leis Estats Units d'America d'un territòri de 77 000 km² situat au nòrd de Mexic e que forma a l'ora d'ara lo sud deis estats estatsunidencs d'Arizòna e de Nòu Mexic. L'objectiu d'aquela crompa èra de permetre la bastida d'un camin de fèrre transcontinentau que foguèt finalament jamai realizada. Lo pretz foguèt fixat a 10 milions de dolars estatsunidencs.