Una crisi economica es un periòde de degradacion rapida e brutala de la situacion e dei perspectivas economicas d'un país ò d'un ensemble de país. Pòt entraïnar un alentiment economic duradís, una recession economica, una demenicion dei salaris e de la valor dau capitau, una aumentacion dau caumatge, dei tensions sociopoliticas e dei problemas sanitaris. Lei causas d'una crisi son variablas (subreproduccion, excès ò manca de sòus, problemas d'adaptacion de l'otís industriau...) e un tal eveniment pòt s'observar dins totei lei sistèmas politics. Pasmens, lei crisis economicas son pus frequentas dins leis economias de tipe capitalista car i son consideradas coma de fenomèns ciclics.