Lo crepuscul o luscre o calabrun es l'illuminacion de l'atmosfèra per lei rais dau Soleu lo matin avans lo levar e lo ser après lo tremont. Aquela difusion de la lutz sembla d'alongar lo jorn, tant lo matin avans lo clarejar, coma lo ser après soleu tremont. Lo crepuscul es provocat per la refraccion de la lutz dau soleu per lei jaç auts de l'atmosfèra.

I a dos tipes de crepuscul:

• Crepuscul matinau: avans lo levar dau Soleu; se nomena tanben auròra o auba.
• Crepuscul vesperau: lo vèspre a la boca de la nuech.

Lo crepuscul a tres fasas:

• Crepuscul civil: dempuei soleu tremont fins que l'autor dau Soleu siá de -6º.
• Crepuscul nautic: quand l'autor dau soleu es entre -6º e -12º.
• Crepuscul astronomic: quand l'autor dau soleu es entre -12º e -18º.